2022 წლის 3 მარტს საქართველომ ევროკავშირში წევრობის ოფიციალური განაცხადი წარადგინა. ევროკავშირში გაწევრიანება ეს ის პროცესია, რომელიც არამხოლოდ ხელისუფლების ძალისხმევას, არამედ სამოქალაქო საზოგადოების სრულ კონსოლიდაციასა და ყველა აქტორის ჩართულობას მოითხოვს.  შესაბამისად აღნიშნული ვებინარი ეთმობა თემას „ევროკავშირში წევრობის განაცხადი“.

ვებინარის სტუმარია საგარეო საქმეთა სამინისტროს  ევროკავშირის დახმარების კოორდინაციის და სექტორული ინტეგრაციის დეპარტამენტის ხელმძღვანელი, კენწეროს საერთაშორისო ურთიერთობების სკოლის სპიკერი დავით ბუჯიაშვილი.

ვებინარზე მსმენელები გაეცნობიან შემდეგ საკითხებს:

• რას ნიშნავს ევროკავშირის წევრობაზე განაცხადის გაკეთება;
• რა სარგებლის მომტანი იქნება აღნიშნული ქვეყნისათვის, როგორც მოკლევადიან ასევე გრძელვადიან პერსპექტივაში;
• რა პროცედურაა განაცხადის გაკეთებიდან ევროკაშირის წევრობამდე და რა ვადა სჭირდება ევროკავშირში გაწევრიანებას;
• რას ნიშნავს დაჩქარებული ან გამარტივებული პროცედურა;
• როგორია გაწევრიანების კუთხით სხვადასხვა ქვეყნების გამოცდილება.

ვებინარის ბოლო ნაწილი ეთმობა მონაწილეთა კითხვა-პასუხს, სადაც მომხსენებელი პასუხობს Facebook Live-ზე შემოსულ კითხვებს.

ვებინარის ნახვა 

მსოფლიოში დემოკრატიული პროცესების გაღრმავების, სახელმწიფოსა და საზოგადოებას შორის ნდობის გაძლიერების პროცესში მნიშვნელოვან როლს ასრულებს ღია მმართველობა, რომლის განხორციელებას განსაკუთრებული მნიშვნელობა აქვს ადგილობრივი თვითმმართველობის დონეზე. შესაბამისად აღნიშნული ვებინარი ეთმობა თემას "ღია მმართველობა ადგილობრივ თვითმმართველობაში”. 

ვებინარის სტუმარია საჯარო მმართველობის დოქტორი, კენწეროს დემოკრატიზაციისა და ადამიანის უფლებების სკოლის სპიკერი ლაშა გოგიძე. 

ვებინარზე გაეცნობით შემდეგ საკითხებს:

• რა მნიშვნელობა აქვს ღია მმართველობის პრინციპებს და მის დანერგვას მუნიციპალიტეტებში. აგრეთვე როგორია საქართველოს პრაქტიკა ამ კუთხით;
• რა შესაძლებლობები არსებობს ღია მმართველობისა და დეცენტრალიზაციის რეფორმების სრულყოფილად დანერგვისთვის საქართველოში;
• რომელ სახელმწიფო უწყებებს ეკისრებათ ძირითადი პასუხისმგებლობა ღია მმართველობის რეფორმების დანერგვის კუთხით და რა როლი აქვთ ამ პროცესში არასახელმწიფო აქტორებს;
• რამდენად უწყობს ხელს ღია მმართველობისა და დეცენტრალიზაციის რეფორმების სრულყოფილად განხორციელება საქართველოს უფრო მჭიდრო ინტეგრაციას ევროატლანტიკურ სტრუქტურებთან.

ვებინარის ბოლო ნაწილი ეთმობა მონაწილეთა კითხვა-პასუხს, სადაც მომხსენებელი პასუხობს Facebook Live-ზე შემოსულ კითხვებს.

ვებინარის ნახვა

ნებისმიერი ახალგაზრდის ცხოვრებაში დგება მომენტი, როდესაც გიწევს საკმაოდ რთული და ამავდროულად მნიშვნელოვანი გადაწყვეტილების მიღება ისეთ საკითხზე როგორიცაა პროფესია. შრომით ბაზარზე არსებული უამრავი პროფესიიდან გიწევს მხოლოდ ერთი - შენთვის საინტერესო და შესაფერისი პროფესიის არჩევა. შესაბამისად აღნიშნული ვებინარი ეთმობა თემას „როგორ ავირჩიოთ პროფესია“.

ვებინარის სტუმარია ეკონომისტი და დამოუკიდებელი სინქრონისტი თარჯიმანი, კენწეროს აქტიური მოქალაქეობისა და ლიდერობის სკოლის სპიკერი სალომე ჯაფიაშვილი.

ვებინარზე მსმენელები გაეცნობიან შემდეგ საკითხებს:

• რა განაპირობებს ახალგაზრდის არჩევანს საქართველოში;
• როგორ ხდება პროფესიის არჩევა;
• რა კრიტერიუმებია ყველაზე მნიშვნელოვნი პროფესიის არჩევისას;
• რამდენად შესაძლებელია რამდენიმე პროფესიის ქონა.

ვებინარის ბოლო ნაწილი ეთმობა მონაწილეთა კითხვა-პასუხს, სადაც მომხსენებელი პასუხობს Facebook Live-ზე შემოსულ კითხვებს.

ვებინარის ნახვა

სამოქალაქო ცვლილებებისა და განვითარების პროცესში ერთ-ერთ მნიშვნელოვან როლს ასრულებს ლიდერი და უშუალოდ ლიდერობა. ლიდერი ნებისმიერ საზოგადოების უცვლელი მახასიათებელია და მისი არსებობა აუცილებელია საზოგადოების შეკვეთისა და მისი მთლიანობის შესანარჩუნებლად. შესაბამისად აღნიშნული ვებინარი ეთმობა თემას „ლიდერობა და თავისუფლება“.

ვებინარის სტუმარია ქართველი პოეტი, ესეისტი, კინოსცენარისტი, ლექტორი და საქართველოს პარლამენტის ეროვნული ბიბლიოთეკის გენერალური დირექტორი, კენწეროს აქტიური მოქალაქეობისა და ლიდერობის სკოლის სპიკერი გიორგი კეკელიძე.

ვებინარზე მსმენელები გაეცნობიან შემდეგ საკითხებს:

• რას ნიშნავს ლიდერობა;
• როგორი უნდა იყოს ლიდერი;
• რა როლს ასრულებს ლიდერი საზოგადოებაში;
• ბალანსი კონტროლსა და თავისუფლებას შორის;
• წარმატებული ლიდერობის მაგალითები.

ვებინარის ბოლო ნაწილი ეთმობა მონაწილეთა კითხვა-პასუხს, სადაც მომხსენებელი პასუხობს Facebook Live-ზე შემოსულ კითხვებს.

ვებინარის ნახვა

აქტიურ დემოკრატიულ საზოგადოებაში ერთ-ერთი გადამწყვეტი და მნიშვნელოვანი როლი ენიჭება მოხალისეობას. მოხალისეობრივი საქმიანობა გვაძლევს საშუალებას ჩავერთოთ გადაწყვეტილების მიღების პროცესში, გავაძლიეროთ სამოქალაქო ჩართულობის კულტურა და გამოვხატოთ სოლიდარობა. შესაბამისად აღნიშნული ვებინარი ეთმობა თემას „მოხალისეობა - გზა სოციალური ცვლილებებისკენ“.

ვებინარის სტუმარია არასამთავრობო ორგანიზაცია “ჰელფინგ ჰენდის” დამფუძნებელი და აღმასრულებელი დირექტორი, კენწეროს აქტიური მოქალაქეობისა და ლიდერობის სკოლის სპიკერი თინათინ მესხი.

ვებინარზე მსმენელები გაეცნობიან შემდეგ საკითხებს:

• მოხალისეობის განვითარების დინამიკა საქართველოში;
• რატომ არის მოხალისეობა მნიშვნელოვანი ჩვენი საზოგადოებისათვის;
• რა მიმართულებით შესაძლებელია მოხალისეობა და როგორ შეიძლება ჩავერთოთ მოხალისეობრივ საქმიანობაში;
• რას სახის პლატფორმები არსებობს მოხალისეობის მიმართულებით.

ვებინარის ბოლო ნაწილი ეთმობა მონაწილეთა კითხვა-პასუხს, სადაც მომხსენებელი პასუხობს Facebook Live-ზე შემოსულ კითხვებს.

ვებინარის ნახვა

​

სამოქალაქო საზოგადოებას გადამწყვეტი მნიშვნელობა ენიჭება დემოკრატიის განვითარების პროცესში. ასეთ საზოგადოებაში ჩართული მოქალაქეები ერთიანდებიან ისეთი საკითხების ირგვლივ, რომელიც მნიშვნელოვანია არა მხოლოდ მათთვის, არამედ ქვეყნის განვითარებისათვის. შესაბამისად აღნიშნული ვებინარი ეთმობა თემას „სამოქალაქო საზოგადოება და აქტივიზმი დღეს“.

ვებინარის სტუმარია პოლიტიკური ანალიტიკოსი, მეცნიერი და ფილოსოფოსი, კენწეროს აქტიური მოქალაქეობისა და ლიდერობის სკოლის სპიკერი გია ნოდია.

ვებინარზე მსმენელები გაეცნობიან შემდეგ საკითხებს:

• რა არის სამოქალაქო საზოგადოება;
• რატომ არის აუცილებელი ქვეყანაში ძლიერი სამოქალაქო საზოგადოების არსებობა;
• როგორია სამოქალაქო საზოგადოება საქართველოში;
• რა გავლენა აქვს სამოქალაქო საზოგადოებას;
• რა არის სამოქალაქო აქტივიზმი და რა კავშირი აქვს სამოქალაქო საზოგადოებასთან;
• რამდენად მნიშვნელოვანია სამოქალაქო აქტივიზმი.

ვებინარის ბოლო ნაწილი ეთმობა მონაწილეთა კითხვა-პასუხს, სადაც მომხსენებელი პასუხობს Facebook Live-ზე შემოსულ კითხვებს.

ვებინარის ნახვა

​