Speakers | Kentsero

თამარი NDI-ს ადგილობრივი თვითმმართველობის პროგრამის ოფიცერი; პროგრამის ხუთ პარტნიორ მუნიციპალიტეტში ადგილობრივი თვითმმართველობის, პოლიტიკური პარტიების, არასამთავრობო სექტორისა და მედიას შორის თანამშრომლობაზე პასუხისმგებელი პირია. 2013 წლიდან მოღვაწეობს არასამთავრობო სექტორში, სადაც მუშაობს კორუფციისა და ანტიკორუფციული რეფორმების, მოქალაქეთა ჩართულობის, საჯარო პოლიტიკის ანალიზის, ფინანსური განათლებისა და მომხმარებელთა უფლებების საკითხებზე. თამარი აშშ-ში კლარკის უნივერსიტეტის პოლიტოლოგიისა და ფილოსოფიის, ასევე თბილისის სახელმწიფო უნივერსიტეტის შპაიერის პროგრამის საჯარო მმართველობის ბაკალავრისა და მაგისტრატურის კურსდამთავრებულია.

კარგი მმართველობა

სამოქალაქო ჩართულობის ფორმები

ირაკლი საერთაშორისო ორგანიზაცია People in Need-ის ფონდების მოძიების კონსულტანტია. 2019-2021 წლებში იკავებდა არასამთავრობო ორგანიზაცია განვითარებისა და დემოკრატიის ცენტრის (CDD) და სექტორი 3-ის ფონდების მოძიების ხელმძღვანელის პოზიციას. 2012 წლიდან ჩართულია ახალგაზრდების განვითარების, მათი ტრენინგისა და მუშაობის სფეროში. 2015 წლიდან მონაწილეობს საერთაშორისო ტრენინგებში სხვადასხვა სამიზნე ჯგუფებთან, ადგილობრივ, რეგიონულ და საერთაშორისო დონეზე. ჩატარებული ტრენინგების თემები იყო: „იყავი ტოლერანტული“, „მიყევი ლტოლვილთა ნაბიჯებს“, „ტოლერანტობა და პატივისცემა ახალგაზრდულ სამუშაოეზე“ და სხვა.

საქართველო და ევროკავშირი

პროექტის მენეჯმენტი

ქეთი არის არასამთავრობო ორგანიზაცია სექტორი 3-ისა და განვითარებისა და დემოკრატიის ცენტრის (CDD) დამფუძნებელი და აღმასრულებელი დირექტორი. ასევე, BRIDGE-ის ფასილიტატორი და ეუთოს დემოკრატიული ინსტიტუტებისა და ადამიანის უფლებების ოფისის სერტიფიცირებული საერთაშორისო დამკვირვებელი. სამოქალაქო სექტორში 15 წლიანი გამოცდილება აქვს, როგორც ადგილობრივ, ისე საერთაშორისო არასამთავრობო ორგანიზაციებში. მისი ძირითადი მიმართულებებია დემოკრატია, ანტიდასავლური პროპაგანდისა და დეზინფორმაციის წინააღმდეგ ბრძოლა, საქართველოს ევროპული და ევროატლანტიკური ინტეგრაცია. 2016-2017 წლებში ხელმძღვანელობდა საინფორმაციო ცენტრს ნატოსა და ევროკავშირის შესახებ.

არჩევნები

დემოკრატია

ლიდერობა

არჩევნებზე დაკვირვება

კომუნიკაციების სამყარო ნინიკოს საყვარელი ადგილია და 15 წელია ცდილობს ამ სფეროში აღმოჩენების გაკეთებას. ამჟამად არის დემლაბის დამფუძნებელი და დირექტორი. ორგანიზაციის, რომელიც მუშაობს კომუნიკაციის და ინოვაციური გადაწყვეტების მიმართულებით. ნინიკომ სხვადასხვა ორგანიზაციაში განსხვავებულ თემებზე მუშაობის პროცესში ისწავლა, რომ: - გრძელი სიტყვა მოკლედ ნამდვილად ითქმის, თუმცა ხანდახან ამისთვის ძალიან ბევრი დრო გჭირდება; - გენიალური რამეები ხშირად მარტივი სულაც არ არის; - კარგ მთქმელს კარგი გამგონე კი არა, კიდევ უფრო კარგად თქმა სჭირდება - ისე, რომ ყველამ გაიგოს.

მენეჯმენტის ფილოსოფია

ციფრული პროდუქტების სფეროში რომა 5 წელზე მეტია მუშაობს. მათ შორის, გამოცდილება აქვს საბანკო, ციფრული მარკეტინგის მიმართულებით. არის კომპანია გიფერის თანადამფუძნებელი და მუშაობს საქართველოს ბანკში ციფრული საბანკო ეკოსისტემების მენეჯერად.

მენეჯმენტის ფილოსოფია

თორნიკე ციფრული მარკეტინგის ტრენერი, Kraken-ის, Giffer-ისა და Elvis-ის მმართველი პარტნიორი და თანადამფუძნებელია. განათლება თბილისის სახელმწიფო უნივერსიტეტში ბიზნესის ადმინისტრირებისა და ტურიზმის მიმართულებით მიიღო. 2014 წელს „მეწარმეობის სკოლაში“, რომელიც Microsoft-ის, ესტონეთის საგარეო საქმეთა სამინისტროსა და თბილისის სახელმწიფო უნივერსიტეტის პროექტია, მიღებული აქვს პირველი ადგილი. ასევე, ფინალისტია საერთაშორისო ბიომრავალფეროვნების პროექტ „The quarry Life Award’’-ის.

მენეჯმენტის ფილოსოფია

მუსია ცნობილია შთამბეჭდავი ნამუშევრებით კედლის მხატვრობაში, რომელსაც მარტივად იცნობთ თავისი მასშტაბურობით, მრავალფერიანობით და სოციალური შინაარსებით. კედლის მხატვრობაში აქტიურად 2007 წლიდან ჩაერთო და დღეს თანამშრომლობს ისეთ ორგანიზაციებთან, როგორიც არის booking com, amazon com, Europian Union, Unicef, McDonald, Eastern Partnership და ა.შ. მუსიას პროექტებს შორის განსაკუთრებული წარმატებით გამოირჩევა 2012 წელს შექმნილი “ტუჩების სერია”, რომელიც 15 ქალის განსხვავებულ პირის ექსპრესიულ ვიზუალს აერთიანებს. ნამუშევრები დღემდე იყიდება მსოფლიოს მასშტაბით, 3 ამერიკულ და 2 გერმანულ პლატფორმაზე.

მენეჯმენტის ფილოსოფია

ლიდერობა

ზურას განათლება ჟურნალისტიკისა და მედია მარკეტინგის მიმართულებით მიღებული აქვს თბილისის სახელმწიფო უნივერსიტეტსა და საქართველოს საზოგადოებრივ საქმეთა ინსტიტუტში. ამჟამად მუშაობს ტელეკომპანია „იმედის“ დილის გადაცემაში. წლების განმავლობაში მისი გამოცდილება მოიცავს საზოგადოებასთან ურთიერთობის სფეროს სოცმედია და კონტენტ მენეჯერის პოზიციებზე. ზურამ ძალიან კარგად იცის საქართველოს ისტორია და ურბანული ლეგენდები, ამიტომ 2016 წლიდან თბილისის საფეხმავლო ტურებსაც ატარებდა. პანდემიის დროს კი სხვადასხვა პლატფორმებზე ონლაინ ტურებს სთავაზობს საზოგადოებას.

მენეჯმენტის ფილოსოფია

ლიკას სამუშაო გამოცდილება მოიცავს 14 წელზე მეტს. კარიერული განვითარება ადამიანური რესურსების მართვის მიმართულებით 2007 წლიდან დაიწყო და დიდი გამოცდილება დააგროვა ადგილობრივ და საერთაშორისო ორგანიზაციებში. 2018 წლის ბოლომდე მუშაობდა ბიზნეს სექტორში და იკავებდა სხვადასხვა პოზიციას HR-ის მიმართულებით. 2018 წლიდან ჩართულია სამოქალაქო სექტორში და შეუერთდა განვითარებისა და დემოკრატიის ცენტრს და ასევე გახდა ფონდი პროდემოსის გამგეობის წევრი. ლიკა ფლობს კავკასიის უნივერსიტეტის ბაკალვრის ხარისხს მენეჯმენტის მიმართულებით (2008) და ვახენინგის უნივერსიტეტისა და კვლევითი ცენტრის მაგისტრის ხარისხს მენეჯმენტის, ეკონომიკისა და მომხმარებლის ქცევის მიმართულებით (2012). მიღებული აქვს სრული დაფინანსება და არის Nuffic-ის ფონდის, NFP-ის სამაგისტრო პროგრამის სტიპენდიანტი.

მენეჯმენტის ფილოსოფია

გიორგი კეკელიძე ქართველი პოეტი, ესეისტი, კინოსცენარისტი, ლექტორი და საქართველოს პარლამენტის ეროვნული ბიბლიოთეკის გენერალური დირექტორია. ასევე, პრემია „საბას“, წინანდლის პრემიის ლაურეატი და ელექტორონული ბიბლიოთეკა lib.ge-ის დამფუძნებელი და მთავარი რედაქტორია. 2012 წელს დააფუძნა საგანმანათლებლო მოძრაობა - ეკვილიბრიუმი. ამასთანავე, ის საქართველოში წიგნის მუზეუმის დამაარსებელი და წიგნის ჩუქების დღის ინიციატორია.

ლიდერობა

1995 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი. 1998 წელს კი ამავე უნივერსიტეტის იურიდიული ფაკულტეტის ასპირანტურა. 2008 წელს დაინიშნა საქართველოს გარემოს დაცვისა და ბუნებრივი რესურსების მინისტრად. ამავე წლის აგვისტოში კი ხელმძღვანელობდა რუსეთის საომარი მოქმედებების შედეგად ბორჯომის ხეობაში გაჩენილი მასშტაბური ხანძრის ლიკვიდაციის სამუშაოებს. მისი უშაულო მონაწილეობით მომზადებული და საქართველოს პარლამენტის მიერ მიღებული იქნა რამდენიმე საკანონმდებლო აქტი. 2012 წელს იყო თსუ სამართალმცოდნეობის ფაკულტეტის მოწვეული ლექტორი. 2013-2018 წწ. ილიას სახელმწიფო უნივერსიტეტის ბიზნეს-სკოლის მოწვეული ლექტორი. 2018 წლიდან კი ბიზნესის ტექნოლოგიების უნივერსიტეტის (BTU) ბიზნესის სკოლის ასოცირებული პროფესორი.

ლიდერობა

ნიკო კვარაცხელია კომუნიკაციების სპეციალისტი და კომპანია “feedc”- ის დამფუძნებელია. სწავლობდა საფრანგეთში, “Skema Business School Sophia antipolis’’-ში. 2018 წელს კი საქართველოში დაფუძნა კომპანია “feedc’’. პლატფორმა, სადაც მსოფლიოს სხვადასხვა ლოკაციიდან, ბლოგებისა და სტატიების განთავსებით, ადამიანებს შეუძლიათ ერთმანეთს გაუზიარონ საკუთარი მოსაზრებები და რწმენები.

ლიდერობა

ია ბერსენაძე ქართული ენისა და ლიტერატურის სპეციალისტი, ჟურნალისტი, მთარგმნელი და საჯარო გამოსვლების, სტრესის მართვის და თვითპოზიციონირების ტრენერია. დაამთავრა თბილისის ივანე ჯავახიშვილის სახელობის უნივერსიტეტი. აქვს სატელევიზიო ჟურნალისტიკაში მუშაობის ოც წლიანი გამოცდილება. 2019 წელს კი დაარსასა საგანმანათლებლო ცენტრი კლასტერი, რომელიც ორიენტრიებულია ადამიანის პიროვნული განვითარებაზე, სწორი პოზიციონირებასა და საკუთარი თავის უკეთ შეცნობაზე. ამასთნავე, ფრაგნულიდან და ინგლისურიდან თარგმნილი აქვს ხუთი წიგნი. მათ შორის ორი “საბას” საუკეთესო თარგმანის სიაშია შესული.

ლიდერობა

გია ნოდია არის ქართველი პოლიტიკური ანალიტიკოსი, მეცნიერი და ფილოსოფოსი. ის 2008 წლის 31 იანვრიდან, ამავე წლის 10 დეკემბრამდე საქართველოს განათლებისა და მეცნიერების მინისტრი იყო. 1992 წლიდან ხელმძღვანელობს დამოუკიდებელ კვლევით ორგანზაციას - მშვიდობის, დემოკრატიის და განვითარების კავკასიურ ინსტიტუტს. ის კითხულობდა ლექციებს კენანის, ბონის და გლაზგოს უნივერსიტეტებში. 2006 წლიდან კი ილიას სახელმწიფო უნივერსიტეტის პროფესორია. ამასთანავე, რამდენიმე საერთაშორისო სამეცნიერო ჟურნალის რედკოლეგიის წევრია.

აქტიური მოქალაქეობა

სამირა ბაირამოვა არის სამოქალაქო აქტივისტი და უფლებათა დამცველი, რომელიც ეთნიკურად აზერბაიჯანელი ახალგარზდების განვითარებისა და სოციალიზაციის საკითხებზე მუშაობს. სწავლობდა სამართალმცოდნებას თბილისის ევროპულ უნივერსიტეტში და სოციალურ პოლიტიკურ მეცნიერებებს თბილისის სახელმწიფო უნივერსიტეტში. ამასთანავე, ის GIPA-ს საჯარო პოლიტიკის მაგისტრანტია. ამჟამად, საერთაშორისო ორგანიზაცია მერსი ქორფში შედეგების შეფასების მთავარი ოფიცერიის თანამდებობას იკავებს და სხვადასხვა ადგილობრივი თუ საერთაშორისო ორგანიზაციებთან გენდერის, არჩევნებისა და ადამიანთა უფლებების კუთხით თანამშრომლობს. მისი მთავარი იდეა და პრინციპი სამართლიანი, თანასწორი და ტოლერანტული საზოგადოების შექმნაა.

აქტიური მოქალაქეობა

ალექსანდრე ლორთქიფანიძე ქართველი ავტორი, მსახიობი და ტელეწამყვანია. 2009 წელს დაამთავრა შოთა რუსთაველის თეატრისა და კინოს უნივერსიტეტის სამსახიობო ფაკულტეტი, ხოლო 2011 წელს ამავე უნივერისტეტის ტელე-კინო ფაკულტეტის მაგისტრის ხარისხი მიიღო. 2016 წელს ალექსანდრეს პიესამ „კუნძული“ ახალგაზრდა დრამატურგთა კონკურსში გაიმარჯვა. მისი სცენარის მიხედვით გადაღებული მოკლემეტრაჟიანი ფილმი კი კანის ფესტივალზე იყო წარდგენილი. ამასთანავე, 2019 წელს მისი პიესების კრებული „დისტოპიესები“ „საბა“-ს ლიტერატურულ კონკურსში, წლის საუკეთესო პიესად დასახელდა.

აქტიური მოქალაქეობა

თინათინ მესხი არასამთავრობო ორგანიზაცია “ჰელფინგ ჰენდის” დამფუძნებელი და აღმასრულებელი დირექტორია. 2005 წელს დაამთავრა ივანე ჯავახიშვილის სახელობის ფილოლოგიისა და სოციოლოგიის ფაკულტეტი. 2007 წელს კი გახდა ამავე უნივერსიტეტის მაგისტრი ფილოსოფიაში. მისი გამოცდილება მოიცავს პროგრამების დანერგვას, განვითარებასა და მართვას. ის ასევე, არის საერთაშორისო ლიდერთა პროგრამის (IVLP) “მოხალისეობა და ახალგაზრდების სამოქალაქო აქტივიზმის” მონაწილე. 2016 წელს იმყოფებოდა სასწავლო ვიზიტით ამერიკის შეერეთებულ შტატებში. ხოლო 2017 წელს ასევე სასწავლო ვიზიტით იმყოფებოდა მიჩიგანის უნივერსიტეტში. 2020 წელს, მუშაობადა მოხალისეობის სტრატეგიის შექმნაზე, როგორც მოხალიეობის საკითხების ადგილობრივი ექსპერტი.

აქტიური მოქალაქეობა

თემურ ჯალიაშვილი უკვე 16 წელია საქმიანობს სამოქალაქო სექტორში. იგი განათლებით ფსიქოლოგია, თუმცა 20 წელია საზოგადოებასთან ურთიერთობის მიმართულებით მუშაობს. თემური არის სამოქალაქო საზოგადოების ინსტიტუტის წარმომადგენელი და სამოქალაქო კამპანიის „ეს ქვეყანა შენია“ (გაიზიარე პასუხისმგებლობა) ორგანიზატორი, რომელსაც ახორციელებს სამოქალაქო საზოგადოების ინსტიტუტი (CSI). ამ კამპანიის მიზანია საქართველოში სამოქალაქო საზოგადოების გაძლიერება, სამოქალაქო ღირებულებების პოპულარიზაცია, საზოგადოებრივი ორგანიზაციების საქმიანობის წარმოჩენა და სამოქალაქო აქტივიზმის ხელშეწყობა.

აქტიური მოქალაქეობა

მარი ბენდელიანი პოლიტოლოგიის ბაკალავრი და გარემოსდაცვითი პოლიტიკისა და მენეჯმენტის მაგისტრია. ის არის გარემოსდაცვითი ორგანიზაციის “გარემოსდაცვითი პოლიტიკისა და განათლების ცენტრის“ დამფუძნებელი და ამავე ორგანიზაციის სოციალური საწარმოს მენეჯერი. მას ადგილობრივ და საერთაშორისო არასამთავრობო ორგანიზაციებში მუშაობის 12 წლიანი გამოცდილება აქვს. იგი მუშაობდა, როგორც კონფლიქტით დაზარალებული თემების მხარდაჭერის საკითხებზე, ისე ნდობის აღდგენისა და გარემოს დაცვის პრობლემებზე. ის ამასთნავე ეუთოს დემოკრატიული ინსტიტუტებისა და ადამიანის უფლებების ოფისის (ODHIR) სერთიფიცირებული საერთაშორისო გრძელვადიანი დამკვირვებლია.

აქტიური მოქალაქეობა

მდგრადი განვითარების მიზნები და გარემოს დაცვა

ნანა ბაგალიშვილი არასამთავრობო ორგანიზაციის „სამოქალაქო ინიციატივა - Civic initiative” თავმჯდომარეა. დაამთავრა ილიას სახელმწიფო უნივერსიტეტის ევროპისმცოდნეობის ფაკულტეტი და კულტურის მენეჯმენტის მაგისტრატურა. 10-ზე მეტ ქვეყანაში საერთაშორისო სასწავლო პროგრამაში მონაწილეობდა თემებზე - სოციალური მეწარმეობა, კულტურის მენეჯმენტი და სათემო ლიდერობა. 20-ზე მეტ სხვადასხვა კერძო, ადგილობრივ და საერთაშორისო ორგანიზაციებთან, ტრენერად, კონსულტანტად, რესურსების მობილიზების, სოციალური მედიის მართვისა და ადვოკატირების საკითხებზე მუშაობის გამოცდილება აქვს. 2011-2012 წლებში ხელმძღვანელობდა კულტურულ-საგანმანათლებლო პროექტს წნორისა და მიმდებარე სოფლების ახალგაზრდებისთვის. 2016 წელს კი წნორში სოციალური საწარმო და მულტიფუნქციური საგანმანათლებლო სივრცე „ცოდნის კაფე“ დააფუძნა. ნანა მიზნად ისახავს ადგილობრივებისთვის საზოგადოებრივი ცხოვრების გაუმჯობესებასა და ასევე, უკეთესი გარემო შექმნას არაფორმალური განათლების მისაღებად.

აქტიური მოქალაქეობა

უჩა ნანუაშვილი საერთაშორისო სამართლის, პოლიტიკურ მეცნიერებათა და ადამიანის უფლებათა სპეციალისტია. ადამიანის უფლებათა საკითხების შესახებ სწავლობდა როგორც ინგლისის ბირმინგემის უნივერსიტეტში, ასევე საფრანგეთის ადამიანის უფლებათა საერთაშორისო უნივერსიტეტში. 2007-2017 წლებში საქართველოს სახალხო დამცველის (ომბუდსმენის) პოზიციას იკავებდა. ამასთანავე, იგი დემოკრატიის კვლევის ინსტიტუტისა და ადამიანის უფლებათა ცენტრის დამფუძნებელია. 2000 წლიდან დღემდე კი საქართველოს პოლიტიკურ მეცნიერებათა ასოციაციის (GPSA) ვიცე პრეზიდენტია. ადამიანის უფლებათა საკითხებზე 60-ზე მეტი მოხსენება და პუბლიკაცია აქვს გამოქვეყნებული.

სამოქალაქო ჩართულობის ფორმები

გიორგი ფარეშიშვილი ნიკო ნიკოლაძის საზოგადოების დამფუძნებელი და კავკასიის საერთაშორისო უნივერსიტეტის ლექტორია. 2019-2021 წლებში იყო CDD პროექტების კორდინატორი. 2017-დან 2019 წლამდე იკავებდა ქალაქ ფოთის მერის მოადგილის პოზიციას. 2016 წლიდან 2017 წლამდე კი იყო ნატოსა და ევროკავშირის შესახებ საინფორმაციო ცენტრის დირექტორის მოადგილე. სხვადასხვა დროს მუშაობდა რამდენიმე უმაღლეს სასწავლებელსა და კოლეჯში ადმინისტრაციულ და აკადემიურ თანამდებობებზე, უძღვებოდა სალექციო კურსს საეკლესიო სამართალში, რელიგიების ისტორიასა და კონსტიტუციურ სამართალში. არაერთი წლის განმავლობაში ხელმძღვანელობდა საპატრიარქოს ახალგაზრდული ცენტრის საორგანიზაციო ჯგუფს; 2013-16 წლებში იყო განვითარებისა და დემოკრატიის ცენტრის (CDD) გამგეობის წევრი. გამოქვეყნებული აქვს რამდენიმე სამეცნიერო ნაშრომი, მათ შორის ევროკავშირის ქვეყნების სამართლებრივი და რელიგიური მოწყობის საკითხებზე, ნიკო ნიკოლაძის ცხოვრებისა და მოღვაწეობის შესახებ. ამჟამად არის პოლიტიკურ მეცნიერებათა დოქტორანტი.

სამოქალაქო ჩართულობის ფორმები

არჩილი ფოლადაშვილი რუსთავის საერთაშორისო სკაუტური ცენტრის პროექტის მენეჯერია. 2009 წლიდან იგი აქტიურადაა ჩართული, როგორც ახალგაზრდული არაფორმალური განათლების მიმართულებით, ასევე აქვს გამოცდილება რეგიონული განვითარების საერთაშორისო და ადგილობრივ პროექტებში. სხვადასხვა დროს მას უმუშავია ისეთ საერთაშორისო ორგანიზაციებში როგორიცაა EU, OSCE ODIHR, UNDP. 2014 წლიდან იგი გახლავთ ახალგაზრდული არასამთავრობო ორგანიზაციის „ალტერნატიული განათლების აკადემია“ დამფუძნებელი და დირექტორი.

სამოქალაქო ჩართულობის ფორმები

ლაშა მარგიშვილი ივანე ჯავახიშვილის სახელობის თბილისის სახელმწიფო უნივერსიტეტის სამართლის ბაკალავრი, სამართლის მაგისტრი და ამავე უნივერსიტეტის იურიდიული ფაკულტეტის დოქტორანტია. შოთა რუსთაველის ეროვნული სამეცნიერო ფონდის დოქტორანტურის საგანმანათლებლო პროგრამების გრანტის ფარგლებში, სამეცნიერო კვლევისთვის მივლენილი იყო დიდ ბრიტანეთში, შოთა რუსთაველის ეროვნული სამეცნიერი ფონდის დოქტორანტურის საგანმანათლებლო პროგრამების გრანტის ფარგლებშიც სამეცნიერო კვლევის განსახორციელებლად იყო მივლენილი დიდ ბრიტანეთში, “Queen Mary University of London“-ში. მას მონაწილეობა აქვს მიღებული უმაღლესი განათლების ხარისხის უზრუნველყოფის საკითხებთან დაკავშირებით ჩატარებულ ადგილობრივ თუ საერთაშორისო კონფერენციებში, მათ შორის რამდენიმე კონფერენციასა და ფორუმზე იყო მომხსენებელი და სესიის მოდერატორი. არის რამდენიმე სამეცნიერო პუბლიკაციის ავტორი.

სამოქალაქო ჩართულობის ფორმები

თემურ საყუაშვილმა 2010 წელს დაამთავრა კავკასიის სამართლის სკოლა, ხოლო 2011-2013 წლებში ილიას სახელმწიფო უნივერსიტეტში სამაგისტრო პროგრამაზე სწავლობდა. 2013-2015 წლებში მარნეულის მუნიციპალიტეტის სოფელ სადახლოს N1 საჯარო სკოლაში ასწავლიდა ქართულს, როგორც მეორე ენას. 2018 წელს კი მონაწილეობა მიიღო მასწავლებლების ეროვნული ჯილდოს კონკურსში და საუკეთესო ათეულის წევრი გახდა. ამასთანავე, არის ააოპ „ჰერეთის კულტურულ-საგანმანათლებლო საზოგადოება - ქურმუხელის“ დამფუძნებელი და პროექტების ხელმძღვანელი.

სამოქალაქო ჩართულობის ფორმები

გიორგი კლდიაშვილი IDFI-ის თანადამფუძნებელი და აღმასრულებელი დირექტორია. დაამთავრა თბილისის სახელმწიფო უნივერსიტეტის დოკტორანტურა და პროფესორად მუშაობდა თბილისის სახელმწიფო უნივერსიტეტის ამერიკის შესწავლის ინსტიტუტში. მას საქართველოში და მის ფარგლებს გარეთ გამჭვირვალობის საკითხებზე მუშაობის 9 წელზე მეტი ხნის გამოცდილება აქვს. განხორციელებული აქვს პროექტები, კვლევები, შეფასებები და ტრენინგები სხვადასხვა საერთაშორისო ორგანიზაციისა და ფონდისთვის. იგი არის ავტორი რიგი ნაშრომებისა, რომლებიც ეხება: საჯარო ინფორმაციის ხელმისაწვდომობას, ანტიკორუფციულ პოლიტიკას, კარგ მმართველობას, გამჭვირვალობასა და ანგარიშვალდებულებას, ელექტრონულ მმართველობასა და დემოკრატიას, ღია მონაცემებს, საჯარო სამსახურს და საჯარო ადმინისტრირებას, მედიას და ინტერნეტს. IDFI-ისთან დაკავშირებული საქმიანობის გარდა, გიორგი კლდიაშვილს, როგორც სპეციალობით ისტორიკოსს, აქვს გამოცდილება ამერიკისა და საბჭოთა კავშირის ისტორიის შესახებ კვლევებში. ის არის პროფესიონალი არქივის მკვლევარი და აქვს საქართველოსა და უცხოეთის არქივებში მუშაობის 15 წლიანი გამოცდილება. ამასთანავე, არის ღია მმართველობის პარტნიორობის (OGP) მმართველი კომიტეტის წევრი სამოქალაქო საზოგადოებიდან.

სამოქალაქო ჩართულობის ფორმები

ნატო ინგოროყვა ქართველი პოეტი და მთარგმნელია. დაამთავრა კიევის სახელმწიფო უნივერსიტეტის გერმანული ენისა და ლიტერატურის ფაკულტეტი. ამჟამად, ილიას სახელმწიფო უნივერსიტეტში მედიაწიგნიერებას და ინფორმაციის მენეჯმენტს ასწავლის. არის სოციალური მეცნიერებისა და მასობრივი კომუნიკაციის დირექტორი. 2009 წლიდან კი, ჟურნალის „მასწავლებელი“ და ინტერნეტ გაზეთის „Mastsavlebeli.ge“- ის მთავარი რედაქტორია. აქვს რამდენიმე პოეტური კრებული, რომელიც ნათარგმნია რუსულ, გერმანულ, ინგლისურ, ლატვურ, ბელორუსიულ და უკრაინულ ენებზე.

სამოქალაქო ჩართულობის ფორმები

ირმა პავლიაშვილი არასამთავრობო ორგანიზაცია “ღია სივრცე კავკასიაში”-ს თავმჯდომარე, პოლიტიკაში ქალთა მონაწილეობის ხელშეწყობის ჯგუფის წევრი და დამოუკიდებელი ექსპერტია. დაამთავრა თბილისის ივანე ჯავახიშვილის სახელობის სახელმწიფო უნივერსიტეტი. 2008-2014 წლებში იყო არჩევნების და ადგილობრივი თითმმართველობის იურისტი. 2015-2017 წლებში არჩევნების და ადგილობრივი თვითმმართველობის პროგრამების მენეჯერი. 2017-2019 წლებში კი საქართველოს ახალგაზრდა იურისტთა ასოციაციის აღმასრულებელი დირექტორი. 2019 წელს გახდა თბილისის ღია უნივერსიტეტის ასოცირებული პროფესორი. 2020 წლის დეკემბერიდან კი არასამთავრობო ორგანიზაცია „ღია სივრცე კავკასიაში“-ს თავმჯდომარეა.

სამოქალაქო ჩართულობის ფორმები

დავით კიკვიძე არის ეკონომიკის ექსპერტი, მიღებული აქვს თბილისი ივ. ჯავახიშვილის სახელობის თბილისის სახელმწიფო უნივერსიტეტის მაგისტრის ხარისხი მაკროეკონომიკის დარგში, ასევე ჯორჯ ვაშინგტონის უნივერსიტეტის მაგისტრის ხარისხი პროექტების მართვის მიმართულებით. იგი ამჟამად არის ბიზნესის და ტექნოლოგიების უნივერსიტეტის, ბიზნესის ადმინისტრირება მენეჯმენტის საბაკალავრო პროგრამის ხელმძღვანელი და ასისტენტ პროფესორი მენეჯმენტის დარგში, ამასთან ერთად არის საქართველოს ფინტექ ასოციაციის აღმასრულებელი თავმჯდომარე, სხვადასხვა დროს ხელმძღვანელობდა პროექტების, მშენებლობის, ვებ დეველოპმენტის, აგრობიზნესის და სხვა ბიზნეს სექტორების მიმართულებით. კითხულობს ლექციებს ფინანსურ ტექნოლოგებში და ბანკინგში ბიზნესის და ტექნოლოგების უნივერსიტეტში და ილიას სახელმწიფო უნივერსიტეტში.

პროექტის მენეჯმენტი

მარიამ მიროტაძე არის საქართველოს ქრაუდფანდინგის ასოციაციის დირექტორი. 2015 წლიდან მარიამი აქტიურად არის ჩართული არასამთავრობო ორგანიზაციების საქმიანობაში. მას აქვს საერთაშორისო და ადგილობრივ პროექტებზე მუშაობის გამოცდილება და განხორციელებული აქვს სხვადასხვა წამყვანი ორგანიზაციების პროგრამები საქართველოში (UNDP, USAID, EU). იგი წლების განმავლობაში იყო Crowdfunding-ის პლატფორმა “ორბელიანი მეტის” პროექტის ხელმძღვანელი. ამასთანავე, მარიამს აქვს ტრენერად მუშაობის გამოცდილება პროექტის მართვისა და ფონდების მოძიების მიმართულებით.

პროექტის მენეჯმენტი

ქრისტინე კანდელაკს აქვს სამოქალაქო სექტორში მუშაობის 7 წლიანი გამოცდილება. ამჟამად ის იკავებს საზოგადოებრივი ორგანიზაციების განვითარების პროგრამის მენეჯერის პოზიციას საქართველოს სტრატეგიული კვლევებისა და განვითარების ცენტრში (CSRDG). ქრისტინეს ძირითადი საქმიანობა მოიცავს საზოგადოებრივი ორგანიზაციებისა და სოციალური საწარმოებისთვის საჭიროებებზე მორგებული ორგანიზაციული განვითარების მომსახურების, კონსულტაციებისა და ტრენინგების მიწოდებას. ქრისტინეს აგრეთვე აქვს პროექტების დაგეგმვის, შემუშავებისა და მართვის 5 წლიანი გამოცდილება. ამჟამად ის არის ევროკომისიის მიერ დაფინანსებული საერთაშორისო პროექტის, "თანამშრომლობა დადებითი ცვლილებებისთვის" პროექტის მენეჯერი საქართველოში. ქრისტინე ფლობს ბაკალავრისა და მაგისტრის ხარისხს შრომის და ორგანიზაციული ფსიქოლოგიის მიმართულებით.

პროექტის მენეჯმენტი

ალექსანდრა კალატოზიშვილს აქვს 20-წლიანი გამოცდილება საქართველოში ეთნიკური უმცირესობების უფლებების დაცვისა და პროექტების მართვის სფეროში, მათ შორის განათლებასთან, არჩევნებსა და ახალგაზრდობის საკითხებში. ალექსანდრა ფლობს პოლიტიკის მეცნიერებათა მაგისტრის ხარისხს. 2019 წლიდან პედაგოგიურ საქმიანობას ეწევა ილიას სახელმწიფო უნივერსიტეტში საჯარო ადმინისტრირების ფაკულტეტზე. იგი არის არაერთი სამეცნიერო და კვლევით ნაშრომის თანაავტორი. ალექსანდრას აქვს სხვადასხვა არასამთავრობო და საერთაშორისო ორგანიზაციაში მუშაობის გამოცდილება. 2015 წლიდან ის გახლავთ საერთო-სამოქალაქო მოძრაობა „მრავალეროვანი საქართველოს“ აღმასრულებელი დირექტორი; 2017-2018 წწ. - აღმოსავლეთ პარტნიორობის სამოქალაქო საზოგადოების ფორუმის თანა-თავმჯდომარე; 2005-2018 წწ. - ფონდის „სამოქალაქო განათლების განვითარების მულტიეთნიკური რესურსცენტრი“ თავმჯდომარე და სხვ. 2015 წლიდან დღემდე ალექსანდრა არის ევროკავშირი-საქართველოს სამოქალაქო საზოგადოების პლატფორმის არჩეული წევრი.

პროექტის მენეჯმენტი

სალომე ჯაფიაშვილი ეკონომისტი და დამოუკიდებელი სინქრონისტი თარჯიმანია ინგლისური, გერმანული, რუმინული და რუსული ენებისთვის. 2012-2017 წლებში ის სხვადასხვა სექტორში მუშაობდა და არაერთი პროექტის კოორდინატორი იყო. მათ შორის აღსანიშნავია რობერტ ბოშის ფონდის მხარდაჭერით განხორციელებული ეფექტიანობის აუდიტის საინფორმაციო კამპანიის ერთ წლიანი წარმატებული პროექტი. 2017 წლიდან დღემდე სალომემ 4 რომანი და 300-ზე მეტი ღონისძიება თარგმნა და საკუთარ გამოცდილებას სოციალური მედიის საშუალებით ხშირად გვიზიარებს.

პროექტის მენეჯმენტი

ბიძინა ლებანიძე არის იენის ფრიდრიხ შილერის უნივერსიტეტის პოსტდოქტორული მკვლევარი. მიღებული აქვს პოლიტიკის მეცნიერებათა დოქტორის ხარისხი ბერლინის თავისუფალი უნივერსიტეტიდან და საერთაშორისო ურთიერთობების მაგისტრის ხარისხი თსუ-დან. სხვადასხვა სახის კვლევის სფეროებში აქვს გამოცდილება, კერძოდ, საგარეო და უსაფრთხოების პოლიტიკა, ევროპული ინტეგრაცია, დემოკრატია და კარგი მმართველობა. 2014 წლიდან ატარებს კვლევას FP7 პროექტ MAXCAP (Maximizing the integration capacity of the European Union) ფარგლებში.

დემოკრატია

თამარი სამართლის დოქტორი, კონსტიტუციონალისტი და ადამიანის უფლებათა საერთაშორისო სამართლის სპეციალისტია. 12 წლიანი გამოცდილებით სხვადასხვა არასამთავრობო ეროვნულ და საერთაშორისო ორგანიზაციებში ადამიანის უფლებათა იურისტის პოზიციასა და კვლევით და საექსპორტო-საკონსულტაციო საქმიანობაში. 2009 წლიდან წარმატებით აწარმოებს საქმეებს როგორც ეროვნულ, ისე ადამიანის უფლებათა ევროპულ სასამართლოში. თამარი ადამიანის უფლებებში და კონსტიტუციურ სამართალში 40-მდე პუბლიკაციისა და კვლევის ავტორია. კერძოდ, საქართველოს პრეზიდენტის შეწყალების უფლებამოსილება, მოწმის დაკითხვის ახალი წესის კვლევა და სხვ.

ადამიანის უფლებები

კარგი მმართველობა

ნინო არის ადამიანის უფლებათა იურისტი მუშაობის 17 წლიანი გამოცდილებით სხვადასხვა პოზიციებზე არასამთავრობო სექტორში. 2017 წელს დაარსა ორგანიზაცია „ადამიანის უფლებების ადვოკატირებისა და დემოკრატიის ფონდი“. განათლება მიიღო ვაშინგტონის სამართლის სკოლაში ადამიანის უფლებებისა და სამართლის ფაკულტეტზე. გარდა ამისა, მონტანას უნივერსიტეტში გაიარა ლიდერობის პროგრამა. ადამიანის უფლებებზე ათამდე პუბლიკაციის ავტორია. იკვლევს საქართველოში კონფლიქტისპირა ტერიტორიებზე ადამიანის უფლებათა მდგომარეობას.

ადამიანის უფლებები

ელენე არასამთავრობო ორგანიზაცია ქალთა საინფორმაციო ცენტრის დამფუძნებელი და დირექტორია. 18 წლიანი გამოცდილება აქვს როგორც ეროვნულ, ისე საერთაშორისო დონეზე. სხვადასხვა დროს იყო ისეთი ორგანიზაციების ექსპერტი, როგორებიცაა Worlds Vision, EU, UN Woman და სხვა. ამჟამად რასიზმისა და შეუწყნარებლობის წინააღმდეგ ევროპული კომისიის წევრია; ასევე, გერმანიის საერთაშორისო თანამშრომლობის საზოგადოების კონსულტანტი და აზიის განვითარების ბანკის ექსპერტი გენდერულ საკითხებში. გამოცემული აქვს გენდერულ საკითხებზე არაერთი ნაშრომი. მათ შორის, "პოლიტიკურ პარტიებში ქალთა მონაწილეობის ღონისძიებების ხელშეწყობის" და „გენდერული შეფასება საქართველოში“.

არჩევნები

ელზა არის საერთაშორისო ორგანიზაცია IMPAQ Int-ის ქვეყნის წარმომადგენლობის დირექტორი. წლების განმავლობაში მუშაობდა სამთავრობო, არასამთავრობო და საერთაშორისო ორგანიზაციებში. იყო ჯანდაცვის სამინისტროს შრომის და დასაქმების პოლიტიკის დეპარტამენტის უფროსი. დიდი დამსახურება აქვს შრომის ბაზრის უმთავრესი ინსტიტუციების შექმნასა და დანერგვაში, კერძოდ, შრომის ინსპექცია, შრომის ბაზრის საინფორმაციო სისტემა, შრომის მედიაცია, დასაქმების სახელმწიფო სერვისები და სხვ. მისი კვალიფიკაციებია შრომის საერთაშორისო ორგანიზაციის კურსი და შსო-ს გენდერ-აუდიტის ფასილიტატორი. მიღებული აქვს თსუ-ს ეკონომიკის ბაკალავრისა და სოციალური სფეროს მენეჯმენტის მაგისტრის ხარისხი.

ადამიანის უფლებები

გიორგი ცენტრალური საარჩევნო კომისიის თავმჯდომარის მოადგილეა. ასევე, ავსტრალიის ცენტრალური საარჩევნო კომისიის (BRIDGE) მიერ სრულად აკრედიტებული ფასილიტატორი. სხვადასხვა წლებში იყო საქართველოს ცენტრალური საარჩევნო კომისიიის ტრენინგების სამმართველოს სპეციალისტი, საქართველოს წითელი ჯვრის საზოგადოების იურიდიული სამსახურის უფროსი და საქართველოს პარლამენტის ფრაქციის აპარატის მოწვეული სპეციალისტი. ის იყო ტრენინგ-ოფიცერი სხვადასხვა პროექტში, მათ შორის, გაეროს განვითარების პროგრამის ფარგლებში “სანდო და მდგრადი საარჩევნო ინსტიტუციებისა და პროცესების ხელშეწყობა”.

არჩევნები

ქეთი „ინფორმაციის თავისუფლების განვითარების ინსტიტუტის (IDFI)“ კანონის უზენაესობისა და ადამიანის უფლებების მიმართულების ხელმძღვანელია. მრავალწლიანი ადგილობრივი და საერთაშორისო სამუშაო გამოცდილებით სასამართლო სისტემის ინსტიტუციური რეფორმის, ადამიანის უფლებების, განათლებისა და ენერგეტიკის სამართლის სფეროში. ქეთი, ასევე მუშაობდა საქართველოს განათლებისა და მეცნიერების სამინისტროში სამართალშემოქმედების სამმართველოს მთავარ სპეციალისტად. ბაკალავრის ხარისხი აქვს მიღებული თსუ-ში, ხოლო მაგისტრის ხარისხი GIPA-ს, როეჰამპტონის (ინგლისი), გოტენბურგისა (შვედეთი) და ტრომსოს (ნორვეგია) უნივერსიტეტებში. მონაწილეობა მიუღია მრავალ საერთაშორისო ტრენინგში და არის არაერთი პუბლიკაციის ავტორი.

კარგი მმართველობა

ქეთი ხელმძღვანელობს საქართველოს მთავრობის ადმინისტრაციის საჯარო მმართველობის სამმართველოს. საჯარო სამსახურში, არასამთავრობო სექტორთან და საერთაშორისო ორგანიზაციებთან მუშაობისა და წარმომადგენლობის მრავალწლიანი გამოცდილება აქვს. უმუშავია საქართველოს იუსტიციის სამინისტროს ანალიტიკურ დეპარტამენტში უფროსი იურიდიული მრჩევლის პოზიციაზე. მისი სამუშაო მოიცავდა სხვადასხვა მიმართულებით პოლიტიკის დოკუმენტების შემუშავებას, მათი განხორციელების მონიტორინგსა და შეფასებას. ქეთი ღია მმართველობის პარტნიორობის (OGP) მმართველი კომიტეტის წევრია და მთავრობათა მხარდაჭერის დეპარტამენტის სპეციალური მრჩევლის სტატუსით 6 თვე მუშაობდა ვაშინგტონში, OGP-ის ცენტრალურ ოფისში.

კარგი მმართველობა

ლაშა სამოქალაქო საზოგადოების განვითარების უფროსია ექსპერტი ევროკავშირის პროექტში „საჯარო მმართველობის რეფორმის მხარდაჭერა საქართველოში“. 12 წლიანი სამუშაო გამოცდილება აქვს ადგილობრივი თვითმმართველობის, ღია მმართველობის, დემოკრატიის, ეთიკისა და კორუფციასთან ბრძოლის საკითხებში. მათ შორის, ეროვნულ დემოკრატიულ ინსტიტუტში (NDI) ადგილობრივი თვითმმართველობის პროგრამის ხელმძღვანელად. გავლილი აქვს ორი სამაგისტრო პროგრამა - საერთაშორისო ურთიერთობებსა და ევროკავშირის დიპლომატიის საკითხებში უნგრეთის ცენტრალურ ევროპულ უნივერსიტეტსა და ბელგიის ევროპის კოლეჯში. მონაწილეობა მიუღია საერთაშორისო ტრენინგებში, სემინარებსა და კონფერენციებში. არის ათზე მეტი პუბლიკაციის ავტორი და თანაავტორი კონფლიქტების მოგვარებაში, იძულებით გადაადგილებულ პირთა საკითხებში, საჯარო მმართველობაში და სხვა.

კარგი მმართველობა

ლაშა განვითარებისა და დემოკრატიის ცენტრის (CDD) საარჩევნო საკითხთა ექსპერტ-ანალიტიკოსი და საქართველოში ევროპის საბჭოს ოფისის (Coe) ადგილობრივი კონსულტანტია. 20 წლიანი სამუშაო გამოცდილება აქვს როგორც საჯარო და სამოქალაქო სექტორში, ისე ტრენინგების ჩატარების კუთხით. ლაშა არის გაეროს განვითარების პროგრამის (UNDP), დემოკრატიისა და არჩევნების ხელშეწყობის საერთაშორისო ინსტიტუტისა და ავსტრალიის ცენტრალური საარჩევნო კომისიის მიერ არჩევნების სფეროში რესურსების განვითარების პროგრამის - BRIDGE სრულად აკრედიტებული ფასილიტატორი. 2009 წლიდან ექსპერტის, ტრენერის და მკვლევარის სტატუსით განხორციელებული აქვს სხვადასხვა წამყვანი ორგანიზაციების (EU, USAID, CDD) პროგრამები.

არჩევნები

ნინო შავის ზღვის უნივერსიტეტის ასოცირებული პროფესორია. 15 წლიანი საერთაშორისო კვლევითი გამოცდილებით საერთაშორისო ურთიერთობებში, მათ შორის ლონდონსა და ჰააგაში. 10 წელია მსახურობს სახელმწიფო და საერთაშორისო ორგანიზაციებში, კერძოდ, ეკონომიკისა და საგარეო საქმეთა სამინისტროში, პრეზიდენტის ადმინისტრაციასა და გაეროს საერთაშორისო საზღვაო ორგანიზაციის ლონდონის სამდივნოში. ნინოს მოპოვებული აქვს ბრიტანეთში სენტ ენდრიუს უნივერსიტეტის დოქტორის ხარისხი, ხოლო საერთაშორისო ურთიერთობებისა და პოლიტიკის მეცნიერების მიმართულებით ორი სხვადასხვა უნივერსიტეტიდან მაგისტრის ხარისხი.

დემოკრატია

სალომე არის საქართველოს ახალგაზრდა იურისტთა ასოციაციის დემოკრატიული ინსტიტუტების მხარდაჭერის პროექტის ხელმძღვანელი და წარმომადგენელი სამთავრობო უწყებებში არსებულ საკოორდინაციო საბჭოებსა და სამუშაო ჯგუფებში. აქვს ივანე ჯავახიშვილის თბილისის სახელმწიფო უნივერსიტეტის იურიდიული ფაკულტეტის ბაკალავრისა და GIPA-ს საჯარო პოლიტიკის მაგისტრის ხარისხი. მისი ავტორობით გამოცემულია არაერთი კვლევა და ანგარიში. ამავდროულად, დამოუკიდებელი კონსულტანტია და თანამშრომლობს საერთაშორისო და ადგილობრივ ორგანიზაციებთან.

კარგი მმართველობა

შალვა იურიდიული ფირმა GLCC-ს დამფუძნებელი პარტნიორია. მიღებული აქვს თსუ-ს იურიდიული ფაკულტეტის ბაკალავრისა და ინდიანას უნივერსიტეტის (აშშ) მაგისტრის ხარისხი. მისი საქმიანობა მოიცავს სასამართლო და საარბიტრაჟო წარმომადგენლობას, საერთაშორისო ტრანზაქციებს, საინვესტიციო და საბანკო სამართალს, კორპორაციულ სამართალს და სხვ. მუშაობის გამოცდილება აქვს როგორც კერძო და საჯარო, ისე საერთაშორისო ორგანიზაციებში. მათ შორის, ცენტრალური საარჩევნო კომისია, გაეროს განვითარების პროგრამის საერთაშორისო სამართლის ექსპერტი ლიბერიაში და ა.შ.

არჩევნები

თამარი 2013 წელს დაინიშნა საქართველოს პირველ პერსონალურ მონაცემთა დაცვის ინსპექტორად. 2018 წლიდან კი ევროპის საბჭოს 108-ე კონვენციის საკონსულტაციო კომიტეტის ბიუროს არჩეული პირველი ვიცე-პრეზიდენტია. ამჟამად დამოუკიდებელი კონსულტანტია და თანამშრომლობს როგორც საერთაშორისო, ასევე სამოქალაქო ორგანიზაციებთან და კერძო სექტორთან. ის არის ათამდე პუბლიკაციის ავტორი და თანაავტორი. მათ შორის, „პერსონალურ მონაცემთა დაცვის საერთაშორისო სტანდარტების დანერგვა საქართველოში“ სტატიის თანაავტორი. განათლება მიღებული აქვს თბილისის სახელმწიფო უნივერსიტეტში, კანადის მენეჯმენტის ინსტიტუტსა და აშშ-ს ახალი ორლეანის დელტის საერთაშორისო უნივერსიტეტში.

ადამიანის უფლებები

თამარი NDI-ს ადგილობრივი თვითმმართველობის პროგრამის ოფიცერი; პროგრამის ხუთ პარტნიორ მუნიციპალიტეტში ადგილობრივი თვითმმართველობის, პოლიტიკური პარტიების, არასამთავრობო სექტორისა და მედიას შორის თანამშრომლობაზე პასუხისმგებელი პირია. 2013 წლიდან მოღვაწეობს არასამთავრობო სექტორში, სადაც მუშაობს კორუფციისა და ანტიკორუფციული რეფორმების, მოქალაქეთა ჩართულობის, საჯარო პოლიტიკის ანალიზის, ფინანსური განათლებისა და მომხმარებელთა უფლებების საკითხებზე. თამარი აშშ-ში კლარკის უნივერსიტეტის პოლიტოლოგიისა და ფილოსოფიის, ასევე თბილისის სახელმწიფო უნივერსიტეტის შპაიერის პროგრამის საჯარო მმართველობის ბაკალავრისა და მაგისტრატურის კურსდამთავრებულია.

კარგი მმართველობა

სამოქალაქო ჩართულობის ფორმები

მალხაზი პოლიტიკის მეცნიერებათა დოქტორი და ისტორიის მეცნიერებათა კანდიდატია. ის ხელმძღვანელობს თსუ-ს პოლიტიკური მეცნიერების საბაკალავრო, სამაგისტრო და სადოქტორო პროგრამებს. სხვადასხვა დროს მიღებული აქვს მონაწილეობა ადგილობრივ თუ საერთაშორისო სამეცნიერო კონფერენციაში. მონაწილეობდა მოლდოვაში გამართულ პრესკონფერენციაში თემაზე: პოსტსაბჭოთა ქვეყნების ბოლო ორი ათწლეულის წარმატებები და პრობლემები; იმყოფებოდა ასევე საფრანგეთში, სადაც მონაწილეობდა საქართველოს პირველი კონსტიტუციისა და თანამედროვე საქართველოს კონსტიტუციური განვითარების თემაზე ჩატარებულ კონფერენციაში. 2006 წლიდან არის პოლიტოლოგიის ინსტიტუტის დირექტორი. გამოქვეყნებული აქვს სხვადასხვა სახის მონოგრაფია, სახელმძღვანელო და მრავალი სამეცნიერო სტატია.

არჩევნები

დემოკრატია

დავითი პოლიტიკის მეცნიერებათა აკადემიური დოქტორი და თსუ-ს ასოცირებული პროფესორია. მას უთანამშრომლია ღია საზოგადოების პროგრამებთან უნგრეთში; ასევე, ავსტრიაში მშვიდობის მხარდაჭერისა და კონფლიქტების კვლევების ინსტიტუტთან. გამოქვეყნებული აქვს სხვადასხვა სტატიები და თემები წიგნებში პოლიტიკურ, აკადემიურ თუ უსაფრთხოების თემებზე. ასევე მიღებული აქვს სხვადასხვა სახის სტიპენდიები.

დემოკრატია

ქეთი არის არასამთავრობო ორგანიზაცია სექტორი 3-ისა და განვითარებისა და დემოკრატიის ცენტრის (CDD) დამფუძნებელი და აღმასრულებელი დირექტორი. ასევე, BRIDGE-ის ფასილიტატორი და ეუთოს დემოკრატიული ინსტიტუტებისა და ადამიანის უფლებების ოფისის სერტიფიცირებული საერთაშორისო დამკვირვებელი. სამოქალაქო სექტორში 15 წლიანი გამოცდილება აქვს, როგორც ადგილობრივ, ისე საერთაშორისო არასამთავრობო ორგანიზაციებში. მისი ძირითადი მიმართულებებია დემოკრატია, ანტიდასავლური პროპაგანდისა და დეზინფორმაციის წინააღმდეგ ბრძოლა, საქართველოს ევროპული და ევროატლანტიკური ინტეგრაცია. 2016-2017 წლებში ხელმძღვანელობდა საინფორმაციო ცენტრს ნატოსა და ევროკავშირის შესახებ.

არჩევნები

დემოკრატია

ლიდერობა

არჩევნებზე დაკვირვება

ეკა არის საქართველოს სახალხო დამცველის მოადგილე. სამუშაო გამოცდილება აქვს არასამთავრობო ორგანიზაცია ქალთა საინფორმაციო ცენტრში და საქართველოს სახალხო დამცველის აპარატის გენდერული თანასწორობის დეპარტამენტში. ის ადამიანით ვაჭრობის (ტრეფიკინგი) წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოსა წევრია. აქვს საერთაშორისო გამოცდილება ადამიანის უფლებებისა და გენდერული თანასწორობის საკითხებში. მისი ავტორობითა და რედაქტორობით გამოქვეყნებულია არაერთი პუბლიკაცია და კვლევა, ქალთა უფლებებსა და გენდერულ საკითხებზე.

ადამიანის უფლებები

შორენა თბილისის სააპელაციო სასამართლოს სამოქალაქო საქმეთა პალატის მოსამართლეა. სამუშაო გამოცდილება მოიცავს როგორც პროკურორის, ისე მოსამართლის პოზიციებს. მინიჭებული აქვს საჯარო მმართველობის დოქტორის ხარისხი საქართველოს ტექნიკური უნივერსიტეტიდან. გარდა ამისა, არის თსუ-ს დოქტორანტი სისხლის სამართლის მიმართულებით. შორენა USAID-ის ორგანიზებით განხორციელებული პროექტის ერთ-ერთი მონაწილეა The National Judicial College-ში გავლილ კურსზე „ლიდერობა მოსამართლეებისთვის“ აშშ-ში და „დავის გადაწყვეტის ალტერნატიული გზები და ადამიანის უფლებები ევროპაში“ საფრანგეთში.

ადამიანის უფლებები

პაატა არის სექტორი 3-ის დამფუძნებელი, შენმოქმედის გამგეობის თავმჯდომარე, განვითარებისა და დემოკრატიის ცენტრის (CDD) საარჩევნო საკითხთა ანალიტიკოსი და სპიკერი. მას აქვს საერთაშორისო და ადგილობრივ პროექტებზე მუშაობის მრავალწლიანი გამოცდილება. განათლებით იურისტი, წლების განმავლობაში მუშობდა, როგორც საჯარო, ისე კერძო სექტორში. 2015 წლიდან აკვირდება არჩევნებს საქართველოსა და მის ფარგლებს გარეთ.

არჩევნები

საქართველოს ევროპული ინტეგრაცია

ალექსანდრეს აქვს 11 წლიანი გამოცდილება ინფორმაციული უსაფრთხოების დარგში. იყო სახელწმიფო ინსპექტორის სამსახურის ინფორმაციული უსაფრთხოების ოფიცერი და ახორციელებდა კერძო და საჯარო დაწესებულებების აუდიტს, ინფორმაციული უსაფრთხოებისა და პერსონალური მონაცემების დაცვის კუთხით. 2020 წლიდან უძღვება პერსონალურ მონაცემთა დაცვის ოფიცრის (DPO) სასერტიფიკატო კურსს. ის არის საქართველოს უნივერსიტეტის მოწვეული ლექტორი და კითხულობს „პერსონალურ მონაცემთა დაცვის შესახებ“ კურსს. მონაწილეობა აქვს მიღებული მრავალ კონფერენციასა თუ სემინარში.

კიბერუსაფრთხოება

ანზორი ინფორმაციული უსაფრთხოების სპეციალისტია. აქვს ქართულ და საერთაშორისო კომერციულ ბანკებში ინფორმაციული უსაფრთხოების; ბიდიო საქართველოს კიბერ და ინფორმაციული უსაფრთხოების მიმართულებით მუშაობის გამოცდილება. მისი ხელმძღვანელობით ბიდიოში დაინერგა ინფორმაციული უსაფრთხოების მართვის საერთაშორისო სტანდარტი ISO/IEC 27001. ახორციელებს ინფორმაციული ტექნოლოგიებისა და სხვადასხვა საერთაშორისო თუ ადგილობრივი რეგულაციებთან შესაბამისობის აუდიტს, ინფორმაციული უსაფრთხოების მართვის სისტემის დანერგვისა და მხარდაჭერის პროექტებს. ფლობს მრავალ საერთაშორისო სერტიფიკატს, კერძოდ, Certified Information Systems Auditor (CISA), Certified Information Security Manager (CISM) და სხვა.

კიბერუსაფრთხოება

დავითს 22 წლიანი მუშაობის გამოცდილება აქვს საჯარო სამსახურში, დაკავშირებული საქართველოს საგარეო ურთიერთობების და საქართველოს ევროკავშირში ინტეგრაციის საკითხებთან. ხანგრძლივი საქმიანობის პერიოდში მუშაობდა სხვადასხვა სექტროში - საქართველოს ვაჭრობისა და საგარეო ეკონომიკური ურთიერთობების სამინისტრო; საგარეო საქმეთა სამინისტროს ევროინტეგრაციის დეპარტამენტი; საქართველოს ევროპული და ევროატლანტიკური ინტეგრაციის საკითხებში სახელმწიფო მინისტრის აპარატში. 2017 წლიდან საქმიანობს საგარეო საქმეთა სამინისტროში, სადაც უკავია ევროკავშირის დახმარების კოორდინაციის და სექტორული ინტეგრაციის დეპარტამენტის დირექტორის თანამდებობა. 2020 წელს დავითს მიენიჭა საგანგებო და სრულუფლებიანი დესპანის დიპლომატიური რანგი.

საქართველო და ევროკავშირი

საქართველოს ევროპული ინტეგრაცია

დავითი ჰიბრიდული ომის მკვლევარი და „სტრატეგიული კომუნიკაციების ცენტრი – საქართველოს" ერთ-ერთი დამფუძნებელია. იყო საქართველოს თავდაცვის სამინისტროს თავდაცვის პოლიტიკის შემუშავებისა და თავდაცვის ინსტიტუციური აღმშენებლობის სკოლის ინსტიტუციური განვითარების სამმართველოს უფროსი. 2011 – 2016 წლებში მუშაობდა საქართველოს შეიარაღებული ძალების გენერალურ შტაბში საინფორმაციო ოპერაციების განყოფილებაში. 2005 წლიდან აქტიურადაა ჩართული საქართველოში დებატებისა და სადისკუსიო პლატფორმების განვითარებაში. ავტორია ტრენინგ კურსის „დებატების ტექნოლოგია და აზრის არგუმენტირებული ჩამოყალიბება“.

საერთაშორისო ურთიერთობები

ფარნაოზი არის გენერალური შტაბის J-5 სტრატეგიული დაგეგმვის დეპარტამენტის სამხედრო საერთაშორისო ურთიერთობების სამმართველოს უფროსი ოფიცერი. გავლილი აქვს თითქმის ყველა საკარიერო და საკვალიფიკაციო კურსი. მათ შორის, ბალტიის თავდაცვის კოლეჯში გაერთიანებული სარდლობისა და გენერალური შტაბის კურსი. მონაწილეობა აქვს მიღებული სხვადასხვა საბრძოლო მოქმედებებსა თუ ოპერაციებში როგორც საქართველოში, ისე ქვეყნის ფარგლებს გარეთ. 2008 წლის რუსეთ-საქართველოს ომი, 2013 წლის საერთაშორისო უსაფრთხოების მხარდამჭერი ძალების (ISAF) მისია ავღანეთში და სხვა. თავისი სამხედრო მოიღვაწეობისათვის მიღებული აქვს ჯილდოები: მედალი ,,საქართველოს თავდაცვის სამინისტროს სისტემაში უმწიკვლო სამსახურისათვის“ (III ხარისხი); მედალი „ სამშობლოსათვის თავდადებული“; აშშ, ჯორჯიის შტატის ეროვნული გვარდიის მედალი „განსაკუთრებული მიღწევებისთვის“ და სხვ.

საქართველო და ნატო

გიორგი საერთაშორისო ურთიერთობების სპეციალისტია. 2021 წლამდე იკავებდა საქართველოს სტრატეგიისა და განვითარების ცენტრის დირექტორის პოზიციას. 2014 წლიდან მუშაობდა საქართველოს ახალგაზრდა დიპლომატთა კლუბის პრეზიდენტის, საქართველოს რეფორმების დირექტორის მოადგილისა და GCSD-ს დირექტორის მოადგილის პოზიციებზე. 2016 წელს გახდა ტერორიზმის კვლევისა და ანალიზის კონსორციუმის მკვლევარი. აქვს ივანე ჯავახიშვილის სახელობის თბილისის სახელმწიფო უნივერსიტეტის ბაკალავრისა და მაგისტრის ხარისხი. ამჟამად სწავლობს კავკასიის უნივერსიტეტში საერთაშორისო ურთიერთობების სადოქტორო კურსზე.

საერთაშორისო ურთიერთობები

გიორგი არის საქართველოს ინფორმაციული უსაფრთხოების ასოციაციის პრეზიდენტი და დამფუძნებელი; ასევე, საქართველოს ინფორმაციისა და ტექნოლოგიების ანალიზის ცენტრის დამფუძნებელი. კიბერუსაფრთხოების სფეროში მუშაობის 10 წლიანი გამოცდილება აქვს, როგორც ეროვნულ, ისე საერთაშორისო ბაზარზე. ხელმძღვანელობდა საქართველოს ბანკისა და თიბისი ბანკის ინფორმაციული უსაფრთხოების მიმართულებას. ასევე, იყო ერთ-ერთი დიდი საკონსულტაციო კომპანიის, დელოიტი და ტუშის ოფისის, მენეჯერი ლონდონში. სხვადასხვა დროს იყო მოკლევადიანი ექსპერტი NATO-ს, ევროკავშირის, USAID-ისა და მსოფლიო ბანკის პროექტებზე. მას აქვს ლონდონის როიალ ჰოლოვეის უნივერსიტეტის ინფორმაციული უსაფრთხოების მაგისტრის ხარისხი.

კიბერუსაფრთხოება

გიორგი არის საქართველოს ინფორმაციული უსაფრთხოების ასოციაციის (GISA) თანადამფუძნებელი და აღმასრულებელი დირექტორი. სხვადასხვა წლებში მუშაობდა საქართველოს ცენტრალურ საარჩევნო კომისიაში ქსელის/სისტემის მთავარი ადმინისტრატორის, IT ინფრასტრუქტურისა და კიბერუსაფრთხოების სამმართველოს უფროსის თანამდებობაზე და საქართველოს ეროვნული ბანკის ინფორმაციული უსაფრთხოების მთავარ ოფიცრად. საინფორმაციო ტექნოლოგიებისა და ინფორმაციული უსაფრთხოების მიმართულებით არის ოცამდე სამეცნიერო ნაშრომისა და სტატიის ავტორი. რეგულარულად მონაწილეობს საერთაშორისო კონფერენციებში, პროექტებსა და სემინარებში.

კიბერუსაფრთხოება

ირაკლი საერთაშორისო ორგანიზაცია People in Need-ის ფონდების მოძიების კონსულტანტია. 2019-2021 წლებში იკავებდა არასამთავრობო ორგანიზაცია განვითარებისა და დემოკრატიის ცენტრის (CDD) და სექტორი 3-ის ფონდების მოძიების ხელმძღვანელის პოზიციას. 2012 წლიდან ჩართულია ახალგაზრდების განვითარების, მათი ტრენინგისა და მუშაობის სფეროში. 2015 წლიდან მონაწილეობს საერთაშორისო ტრენინგებში სხვადასხვა სამიზნე ჯგუფებთან, ადგილობრივ, რეგიონულ და საერთაშორისო დონეზე. ჩატარებული ტრენინგების თემები იყო: „იყავი ტოლერანტული“, „მიყევი ლტოლვილთა ნაბიჯებს“, „ტოლერანტობა და პატივისცემა ახალგაზრდულ სამუშაოეზე“ და სხვა.

საქართველო და ევროკავშირი

პროექტის მენეჯმენტი

ქეთევანი არის საქართველოში ევროკავშირის წარმომადგენლობის სოფლის განვითარების, სამოქალაქო დაცვის და კრიზისების მართვის პროგრამის მენეჯერი. 2008 წლიდან იყო ევროკავშირის, ევროკავშირის დელეგაცია საქართველოში, პროექტების მენეჯერი საკითხებზე: სამართალი და უსაფრთხოება, ტრანსნაციონალური ორგანიზებული დანაშაული, საერთაშორისო საპოლიციო თანამშრომლობა, საზღვარი, მიგრაცია, ვიზა ლიბერალიზაცია. იყო გაეროსა და ევროსაბჭოს საკონტაქტო პირი საქართველოში ადამიანის უფლებათა დაცვის სხვადასხვა სფეროში და აშშ-ს სახელმწიფო დეპარტამენტის საკონტაქტო პირი საქართველოში ადამიანით ვაჭრობის (ტრეფიკინგის) წინააღმდეგ პოლიტიკის განხორციელების საკითხებზე. 2019 წელს აირჩიეს თსუ-ს საერთაშორისო სამართლის ინსტიტუტის დირექტორად.

საქართველო და ევროკავშირი

ნატო არის გეოპოლიტიკური კვლევების საერთაშორისო ცენტრის თავმჯდომარე, საქართველოს საზოგადოებრივი ინსტიტუტისა (GIPA) და საქართველოს თავდაცვის ეროვნული აკადემიის მოწვეული პროფესორი. მისი სამუშაო მოიცავს საქართველოს სახელმწიფო მოწყობას, საკონსტიტუციო ორგანოების უფლებამოსილების გადანაწილების საკითხს, საარჩევნო კანონდებლობას. ასევე, საქართველოს ევროპულ და ევროატლანტიკურ ინტეგრაციასა და რუსეთ-საქართველოს ურთიერთობებს. არის მრავალი კვლევის, პუბლიკაციისა თუ სახელმძღვანელოს ავტორი. მათ შორის, „Soft Power – რუსეთის საგარეო პოლიტიკის ახალი კონცეფცია საქართველოს მიმართ - აგვისტოს ომის შემდგომი პერიოდი“; „რელიგია, როგორც რუსეთის საგარეო პოლიტიკის ინსტრუმენტი მეზობელი ქვეყნების მიმართ - საქართველოს, ლატვია, უკრაინა“ (თანაავტორი) და სხვ.

საქართველო და ნატო

ნიკა საქართველოს ინფორმაციული უსაფრთხოების ასოციაციის თანადამფუძნებელია. კიბერუსაფრთხოების სფეროში აქვს 8 წლიანი გამოცდილება. სხვადასხვა წლებში მისი სამუშაო იყო თავდაცვის სამინისტროს კიბერუსაფრთხოების ბიუროში CSIRT საკოორდინაციო სამმართველოს ხელმძღვანელი, პასუხისმგებელი პირი თავდაცვის სფეროში კიბერუსაფრთხოების უზრუნველყოფაზე, უსაფრთხოების კონტროლის მექანიზმების დანერგვაზე, კომპიუტერული უსაფრთხოების ინციდენტების მართვაზე და სხვ. არის სერტიფიცირებული კიბერუსაფრთხოების სპეციალისტი ამავე ინდუსტიის წამყვანი კომპანიების მიერ. ამჟამად არის ბიდიოს ინფორმაციული უსაფრთხოების უფროსი ოფიცერი.

კიბერუსაფრთხოება

ნინო ივანე ჯავახიშვილის სახელობის თბილისის სახელმწიფო უნივერსიტეტის ევროპული კვლევების ინსტიტუტის დირექტორი, ENPI ევროპისმცონდეობის ინგლისურენოვანი ინტერდისციპლინური სამაგისტრო და სადოქტორო პროგრამების კოორდინატორი, ადამიანის უფლებებსა და დემოკრატიზაციაში რეგიონული სამაგისტრო პროგრამის კოორდინატორია. აქვს სამწლიანი სამუშაო გამოცდილება საქართველოს შინაგან საქმეთა სამინისტროს საერთაშორისო ურთიერთობების დეპარტამენტში, ევროპულ და ევრო-ატლანტიკურ სტრუქტურებში საქართველოს ინტეგრაციის განყოფილების უფროსად. 2008 წელს მიენიჭა პოლიტიკურ მეცნიერებათა მაგისტრის ხარისხი გაერთიანებული სამეფოს ედინბურგის უნივერსიტეტიდან. ის არის სხვადასხვა სამეცნიერო კვლევებისა და სტატიების ავტორი.

საქართველო და ევროკავშირი

რატის აქვს 8 წლიანი სამუშაო გამოცდილება არასამთავრობო ორგანიზაციაში “იატა-საქართველო” (საქართველოს ატლანტიკური ხელშეკრულების ახალგაზრდული ასოციაცია) გენერალური მდივნის და აღმასრულებელი დირექტორის პოზიციებზე. ამჟამად, მუშაობს ანალიტიკური დეპარტამენტის მთავარ სპეციალისტად სახალხო დამცველის აპარატში. აქვს ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ბაკალავრისა და საერთაშორისო სამართლის მაგისტრის ხარისხი. რატი არის სხვადასხვა ტრეინინგების, ადგილობრივი თუ საერთაშორისო კონფერენციების მონაწილე.

საქართველო და ნატო

შალვას 10 წლიანი მუშაობის გამოცდილება აქვს საქართველოს თავდაცვის სამინისტროში. ამ პერიოდში იყო ნატო-საქართველოს არსებითი პაკეტის (SNGP) კოორდინაციისა და მონიტორინგის სამმართველოს ხელმძღვანელი, საერთაშორისო ურთიერთობებისა და ევროატლანტიკური ინტეგრაციის დეპარტამენტში პარტნიორი ქვეყნების თავდაცვის სამინისტროებთან ორმხრივი თანამშრომლობის გეგმების შემუშავებისა და აღსრულების სპეციალისტი. განათლება მიღებული აქვს ჯონსტაუნის უმაღლეს სკოლაში (აშშ). ბაკალავრისა და მაგისტრის ხარისხი აქვს მიღებული საქართველოს ტექნიკური უნივერისტეტიდან და გერმანიის ბრემენის საერთაშორისო უნივერსიტეტიდან.

საქართველო და ნატო

თეიმურაზს 17 წლიანი სამუშაო გამოცდილება აქვს საგარეო საქმეთა სამინისტროს სტრუქტურაში სხვადასხვა თანამდებობაზე. 2021 წლიდან არის საქართველოს საგარეო საქმეთა მინისტრის მოადგილე. 2018-2021 წლებში იყო საგარეო საქმეთა სამინისტროს საერთაშორისო ეკონომიკური ურთიერთობების დეპარტამენტის დირექტორი. 2013 წელს დაინიშნა საქართველოს საგანგებო და სრულუფლებიან ელჩად ლატვიის რესპუბლიკაში. მიღებული აქვს ლატვიის სახელმწიფოს უმაღლესი ჯილდო და ლატვიის სამი ვარსკვლავის ორდენი. განათლება მიიღო თბილისის მეცნიერებათა აკადემიის ბიზნესისა და მარკეტინგის ინსტიტუტსა და ერლანგერ-ნიურნბერგის უნივერსიტეტში, გერმანიაში.

საერთაშორისო ურთიერთობები

საქართველოს საგარეო პოლიტიკა

თენგიზი მკვლევარი და საზოგადოებრივი აქტივისტია. მისი პროფესიული საქმიანობა მოიცავს საგარეო და უსაფრთხოების პოლიტიკას, რუსეთი და დსთ-ს სიცვრცეს, აღმოსავლეთ პარტნიორობას, ევროპული და ევრო-ატლანტიკური ინტეგრაციის პროცესებს და სხვ. არის რამდენიმე წიგნისა და მონოგრაფიის ავტორი და რედაქტორი, კერძოდ, რუსეთის საგარეო პოლიტიკის, საქართველო-რუსეთის ურთიერთობის, ასევე საერთაშორისო ურთიერთობისა და უსაფრთხოების აქტუალური საკითხების შესახებ. თენგიზი იყო დიდი ბრიტანეთის საერთაშორისო ურთიერთობის სამეფო ინსტიტუტისა და აშშ-ის ატლანტიკური საბჭოს წევრი. მონაწილეობა მიუღია 50-მდე საერთაშორისო ფორუმსა და კონფერენციაში საგარეო პოლიტიკისა და უსაფრთხოების საკითხებზე.

საერთაშორისო ურთიერთობები

საქართველოს საგარეო პოლიტიკა

თორნიკეს მრავალწლიანი სამუშაო გამოცდილება აქვს როგორც ქვეყნის გარეთ, ისე შიგნით. იყო საგარეო პოლიტიკისა და ანალიტიკური კვლევის ცენტრში უფროსი სპეციალისტი. სხვადასხვა პოზიციები ჰქონდა საქართველოს საგარეო საქმეთა სამინისტროში, კერძოდ, უსაფრთხოების პოლიტიკისა და ევროატლანტიკური ინტეგრაციის ნატო-ს სამმართველოში მრჩევლისა და უფროსის პოზიციები; 2014 – 2020 წლებში ბელგიაში ნატო-სთან საქართველოს წარმომადგენლის მოადგილე და სხვ. სწავლობდა ივანე ჯავახიშვილის სახელობის თბილისის სახელმწიფო უნივერსიტეტში და მიღებული აქვს იურისტის კვალიფიკაცია.

საქართველო და ნატო

ლადო არის კიბერუსაფრთხოების აკადემიის თანადამფუძნებელი და მმართველი პარტნიორი; ა(ა)იპ „ინტერნეტის განვითარების ინიციატივის“ (IDI) დამფუძნებელი და გამგეობის თავმჯდომარე; საქართველოში პირველი ინფორმაციული უსაფრთხოების ოპერაციის ცენტრის დამფუძნებელი და ხელმძღვანელი. არის საქართველოს სამართალდამცავი ორგანოებისთვის, კიბერუსაფრთხოების და კიბერდანაშაულის კუთხით სხვადასხვა ტრენინგებისა და კონფერენციების ინიციატორი და ორგანიზატორი. მათ შორის „კიბერუსაფრთხოების საერთაშორისო ფესტივალი“. ის არის მრავალი სტატიის ავტორი. ასევე, კიბერუსაფრთხოებაში არსებული პირველი ქართულენოვანი წიგნის „კიბერთავდაცვა: მთავარი მოთამაშეები კიბერსივრცეში. პოლიტიკა, სტრატეგია და ახალი გამოწვევები, 2016“ ავტორი.

კიბერუსაფრთხოება

მიხეილ მირზიაშვილი არის განვითარებისა და დემოკრატიის ცენტრის (CDD) გამგეობის თავმჯდომარე, აგრეთვე სექტორი 3-ის დამფუძნებელი. 25 წელზე მეტია საქმიანობს სამოქალაქო სექტორში და მუშაობს ევროატლანტიკური ინტეგრაციის, რეგიონული თანამშრომლობის, კონფლიქტების მოგვარების და პრევენციის, თემებზე. აქვს ევროკავშირში მოქმედ საერთაშორისო სამშვიდობო ორგანიზაციაში მუშაობის ხუთწლიანი გამოცდილება, 2005–2013 წლებში ხელმძღვანელობდა სამშვიდობო პროექტებს შავი ზღვისა და აღმოსავლეთ პარტნიორობის რეგიონში. გავლილი აქვს ადამიანის უფლებათა ადვოკატირების პროგრამა კოლუმბიის უნივერსიტეტის საერთაშორისო და საზოგადოებრივ ურთიერთობათა სკოლაში. არის არაერთი ნაშრომის ავტორი - მათ შორისაა გზამკვლევები ასოცირების ხელშეკრულებისა და „ევროკავშირის შესახებ.“ მონაწილეობდა ევროკავშირსა და ნატოში საქართველოს გაწევრების კომუნიკაციის 2017-2020 წლების სტრატეგიის შემუშავებაში, არჩეული იყო, აღმოსავლეთ პარტნიორობის სამოქალაქო საზოგადოების ფორუმის მმართველი კომიტეტის წევრად.

საქართველო და ევროკავშირი

საქართველოს ევროპული ინტეგრაცია

ნათია ზოიძე - იურისტი, ადამიანის უფლებათა სამართლის სპეციალისტი, ქალების, ბავშვთა და სოციალურ-ეკონომიკური უფლებების მიმართულებით. მრავალწლიანი გამოცდილებით გამჭვირვალობის, საჯარო ინფორმაციისა და პერსონალურ მონაცემთა დაცვის სტანდარტების საკითხებში. ნათიას აქვს საჯარო სამსახურში მუშაობის დიდი გამოცდილება, კერძოდ 2012-2019 წლებში, მუშაობდა საქართველოს შინაგან საქმეთა სამინისტროში, საქართველოს სახელმწიფო უსაფრთხოების სამსახურსა და საქართველოს თავდაცვის სამინისტროში სხვადასხვა პოზიციებზე. აღნიშნულ უწყებებში მუშაობისას ნათიას საქმიანობის მიმართულებები იყო გამჭვირვალობა და საჯარო ინფორმაციის ხელმისაწვდომობა, პერსონალურ მონაცემთა დაცვა და კორუფციასთან ბრძოლა. ამასთან, აღნიშნულ პერიოდში ნათია აქტიურად იყო ჩართული საქართველოს საერთაშორისო ვალდებულებებითა და სამოქმედო გეგმებით გათვალისწინებული თავდაცვისა და უსაფრთხოების სფეროში რეფორმების იმპლემენტაციისა და ანგარიშგების პროცესში. ამჟამად ნათია მოღვაწეობს არასამთავრობო სექტორში, არის ააიპ "სექტორი 3"-ის აღმასრულებელი დირექტორი. გახლავთ ჩივნინგის სტიპენდიანტი და განათლება აქვს მიღებული საქართველოსა და დიდ ბრიტანეთში. ნათია დიდი ბრიტანეთის მთავრობის დაფინანსებით 2019-2020 წლებში სწავლობდა Queen Mary University of London-ში ადამიანის უფლებათა სამართლის სამაგისტრო პროგრამაზე ქალების, ბავშთა და ადამიანის სოციალურ-ეკონომიკური უფლებების მიმართულებით. ნათიას აქვს საჯარო ინფორმაციის გაცემისა და პერსონალურ მონაცემთა დაცვის სტანდარტების კუთხით საჯარო მოხელეებისთვის ტრენინგების ჩატარების გამოცდილება.

ადამიანის უფლებები

საქართველოს ევროპული ინტეგრაცია

მარი კიკვაძე არის გარემოსდაცვითი ადვოკატირების და კომუნიკაციების ექსპერტი. მარის აქვს 7 წლიანი გამოცდილება სტრატეგიული კომუნიკაციის განვითარების, თემთა მობილიზაციის, სოფლის განვითარების, ადვოკატირების, ახალგაზრდების გაძლიერების, გარემოსდაცვითი განათლების, გენდერული ინტეგრირების და არჩევნების მონიტორინგის სფეროში. მარის არის FLEX პროგრამის კურსდამთავრებული, მას განათლება მიღებული აქვს პოლიტიკის მეცნიერების, საჯარო პოლიტიკის ადმინისტრირებისა და სტრატეგიული კომუნიკაციების მიმართულებით. მარი ამჟამად ვესტმინსტერის დემოკრატიის ფონდის კომუნიკაციების და მონიტორინგის, შეფასების და სწავლების მენეჯერის პოზიციაზე მუშაობს. 4 წლის განმავლობაში იგი ხელმძღვანელობდა კომუნიკაციებისა და ადვოკატირების მიმართულებას CENN-ში და პასუხისმგებელი იყო ორგანიზაციის საზოგადოებასთან ურთიერთობაზე, ასევე ევროკავშირის ENPARD-ის პროგრამის მიერ მხარდაჭერილი პროექტების კომუნიკაციის და ადვოკატირების კომპონენტზე. მარი 2022-2023 წელს იყო ევროპული დემოკრატიის ახალგაზრდული ქსელის (EDYN) ვიცე პრეზიდენტი. 2024 წელს ის დემოკრატიის თაობის გლობალური ქსელის ვიცე პრეზიდენტად აირჩიეს. აღნიშნული ქსელი 300-მდე ახალგაზრდა ლიდერს აერთიანებს მსოფლიოს 80 ქვეყნიდან.

საქართველოს ევროპული ინტეგრაცია

არჩილ ბაკურაძე არის სს მიკროსაფინანსო ორგანიზაცია კრისტალის დამფუძნებელი და სამეთვალყურეო საბჭოს თავმჯდომარე. ის ასევე მოღვაწეობს უზბეკეთში, სადაც ის არის სწრაფად მზარდი მიკროსაფინანსო ორგანიზაცია Agat Credit-ის სამეთვალყურეო საბჭოს თავმჯდომარე. 2023 წელს არჩილ ბაკურაძე საერთაშორისო ორგანიზაცია „მიკროსაფინანსო ცენტრის“ (MFC) საბჭოს თავმჯდომარედ აირჩიეს. აღსანიშნავია, რომ 2019 წლიდან, თავმჯდომარედ არჩევამდე, არჩილი MFC -ის დირექტორთა საბჭოს წევრი იყო. მას ასევე რამდენიმე წლის განმავლობაში საქართველოს მიკროსაფინანსო ასოციაციის თავმჯდომარის პოზიცია ეკავა, ამჟამად კი მისი გამგეობის წევრია. პარალელურად კი იგი ხელმძღვანელობდა კოალიციას ფინანსური განათლებისთვის. არჩილ ბაკურაძე არის ფონდი კრისტალის გამგეობის თავმჯდომარე და ამასთან ერთად მოღვაწეობს სხვადასხვა არაკომერციული ორგანიზაციის მმართველობაში. იგი ფლობს ლანკასტერის უნივერსიტეტის ბიზნესის ადმინისტრირების მაგისტრის ხარისხს, არის ჯონ სმიტის ფონდის სტიპენდიატი და ჰოლანდიის დევნილთა ფონდის საერთაშორისო პრემიის ლაურეატი.

საქართველოს ევროპული ინტეგრაცია

ლუკა კურდღელია ბიზნესის განვითარების სპეციალისტია. 2010-2011 წლებში მონაწილეობა მიიღო მომავალ ლიდერთა გაცვლით პროგრამაში (FLEX) და ამერიკის შეერთებული შტატების მთავრობის დაფინანსებით 1 აკადემიურ წელი გაატარა ნიუ იორკში. 2015-2016 წლებში მაგისტრატურის საფეხურზე სწავლობდა პარიზის ნოვანსიის ბიზნეს სკოლაში, საერთაშორისო ბიზნესის განვითარებისა და კონსალტინგის მიმართულებით, ხოლო 2016-2017 წლებში დიდ ბრიტანეთში, ჰერტფორდშირის უნივერსიტეტში გლობალური ბიზნესის მიმართულებით. ლუკა აქტიურად იყო ჩართული განვითარებისა და დემოკრატიის ცენტრის პროექტებში 2012-2015 წლებში. 2017წლიდან კი ერთ-ერთი ყველაზე დიდი ქართული ექსპორტიორი კომპანიის "კავკასიური მეტალის ტერმინალი"-ს კოორდინატორია ფინანსურ და კომერციულ საკითხებში

საქართველოს ევროპული ინტეგრაცია

"ვლადიმერ აფხაზავა დაიბადა 1976 წლის 9 იანვარს, სოფელ ნიგვზიანში. 1993 წელს დაამთავრა სოფელ ნიგვზიანის საშუალო სკოლა. 1999 წელს წარჩინებით დაამთავრა ბათუმის კოოპერაციული ინსტიტუტის ეკონომიკის ფაკულტეტი. 2000 წლიდან მუშაობს ლანჩხუთის მუნიციპალიტეტის სოფელ ჩიბათის საჯარო სკოლაში სამოქალაქო განათლების მასწავლებლად. 2017 წლის 5 ოქტომბერს გადაეცა მასწავლებლის ეროვნული ჯილდო და გახდა აღნიშნული ჯილდოს პირველი მფლობელი. 2018 წლის 13 დეკემბერს ვლადიმერ აფხაზავა მასწავლებლის გლობალური ჯილდოს 50 საუკეთესო მასწავლებლების სიაში მოხვდა, ხოლო 2019 წლის 21 თებერვალს კი იგი მსოფლიო საუკეთესო მასწავლებლის 10 ფინალისტს შორის დაასახელეს. ის დღეს გახლავს გლობალისა და ვარკის ფონდის განათლების ელჩი მსოფლიოში."

საქართველოს ევროპული ინტეგრაცია

დავით კიზირია გახლავთ კერძო და საჯარო სექტორის ციფრული ტრანსფორმაციის, eGov/GovTech, ანტიკორუფციული რეფორმების, ინოვაციური და დეცენტრალიზებული (DLT/Blockchain) სისტემების, DeFi/Web3 მიმართულებით ექსპერტი. ამ მიმართულებით აქვს მრავალლმხრივი გამოცდილება, როგორც საჯარო, ასევე კერძო სექტორში, როგორც ექსპერტი აქტიურად ჩართულია სხვადასხვა საერთაშორისო ორგანიზაციისა (USAID, UNDP, World Bank, DFID, GIZ, GUAM, Horizon Europe …) და საკონსალტაციო კომპანიების (PwC, Deloitte…) პროექტებში. დავით კიზირია არის საქართველოს ეკონომიკისა და მდგრადი განვითარების სამინისტროს “ციფრული ტრანსფორმაციის საბჭოს” წევრი, “ციფრული ტრანსფორმაციის საქართველოს კონსორციუმის” კოორდინატორი, საქართველოს ICT კლასტერის თანა-დამფუძნებელი და ბორდის წევრი. სხვადასხვა უნივერსიტეტში (FreeUni, GIPA, BTU...) კითხულობს ლექციებს. 2020 წლიდან არის ბლოკჩეინ-ექსპერტი GUAM (Organization for Democracy and Economic Development) და საქართველოს შემოსავლების სამსახურის კონსულტანტი. 2014-2017 წლებში იყო უკრაინის პრეზიდენტის ადმინისტრაციის მრჩეველი. იგი აქტიურად მონაწილეობდა და კოორდინაციას უწევდა სხვადასხვა პროექტებს უკრაინაში რეფორმების სფეროში.

საქართველოს ევროპული ინტეგრაცია

მარი ბენდელიანი პოლიტოლოგიის ბაკალავრი და გარემოსდაცვითი პოლიტიკისა და მენეჯმენტის მაგისტრია. ის არის გარემოსდაცვითი ორგანიზაციის “გარემოსდაცვითი პოლიტიკისა და განათლების ცენტრის“ დამფუძნებელი და ამავე ორგანიზაციის სოციალური საწარმოს მენეჯერი. მას ადგილობრივ და საერთაშორისო არასამთავრობო ორგანიზაციებში მუშაობის 12 წლიანი გამოცდილება აქვს. იგი მუშაობდა, როგორც კონფლიქტით დაზარალებული თემების მხარდაჭერის საკითხებზე, ისე ნდობის აღდგენისა და გარემოს დაცვის პრობლემებზე. ის ამასთნავე ეუთოს დემოკრატიული ინსტიტუტებისა და ადამიანის უფლებების ოფისის (ODHIR) სერთიფიცირებული საერთაშორისო გრძელვადიანი დამკვირვებლია.

აქტიური მოქალაქეობა

მდგრადი განვითარების მიზნები და გარემოს დაცვა

გვანცა აქიაშვილი 2021 წლიდან არის კავკასიის გარემოსდაცვითი არასამთავრობო ორგანიზაციების ქსელის (CENN) პროექტების მენეჯერი და მუშაობს ისეთ პროექტებზე, რომლებიც ქვეყანაში მდგრადი განვითარების მიზნების მიღწევას უწყობს ხელს. გვანცამ მაგისტრის ხარისხი მულტიმედია ჟურნალისტიკასა და მედია მენეჯმენტში საქართველოს საზოგადოებრივ საქმეთა ინსტიტუტში (GIPA) მოიპოვა. მას აქვს არასამთავრობო სექტორში მუშაობის 10 წლიანი და 60-ზე მეტ პროგრამაში სხვადასხვა მენეჯერულ პოზიციებზე მუშაობის მრავალწლიანი გამოცდილება. ამავდროულად იგი არის საერთაშორისო სერტიფიცირებული ფასილიტატორი და ტრენერი. გავლილი აქვს ფასილიტაციის რამდენიმე პროგრამა, მათ შორის, გერმანული Theodor- Heuss-Kolleg-ის ფასილიტაციის სკოლა. გვანცა ჩართული იყო მენტორობის ქართული სახელმძღვანელოსა და მდგრადი განვითარების პრაქტიკული ინსტრუმენტების სახელმძღვანელოს შემუშავებაში. მისი დიდი ინტერესია სათემო და მდგრადი განვითარება და ამჟამად ავითარებს სათემო ტურისტულ საწარმოს.

მდგრადი განვითარების მიზნები და გარემოს დაცვა

ლალი თითილოკაშვილი ამჟამად მუშაობს საქართველოს გარემოს დაცვისა და სოფლის მეურნეობის სამინისტროში, მდგრადი განვითარების საკითხების მიმართულებით. 2018-2019 წლებში ის იკავებდა ევროპული საგანმანათლებლო ცენტრის დირექტორის თანაშემწის თანამდებობას. 2020-2022 წლებში გახლდათ ახალგაზრდა ევროპელი ელჩი. აქვს სხვადასხვა არასამთავრობო ორგანიზაციებში გარემოსდაცვით საკითხებთან დაკავშირებით ტრენერობის გამოცდილება. 2016 წლიდან მონაწილეობას იღებს საერთაშორისო კონფერენციებსა და გაცვლით პროგრამებში ისეთ თემებზე, როგორიცაა გარემოსდაცვითი საკითხები და ადამიანის უფლებები. ლალი არის ივ. ჯავახიშვილის სახელობის თბილისის სახელმწიფო უნივერსიტეტის საერთაშორისო ურთიერთობების ბაკალავრი და ჯიპას გარემოსდაცვითი მენეჯმენტისა და პოლიტიკის სამაგისტრო პროგრამის სტუდენტი.

მდგრადი განვითარების მიზნები და გარემოს დაცვა

თამარ ალადაშვილი ამჟამად არის საქართველოს გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის დირექტორი. მას მიღებული აქვს მრავალმხრივი განათლება, როგორც საქართველოში ასევე საზღვარგარეთ. არის ბრენდაიზის უნივერსიტეტის ჰელერის სოციალური პოლიტიკისა და მენეჯმენტის სკოლის (აშშ) საერთაშორისო მდგრადი განვითარების მაგისტრი. თამარს აქვს 15-წლიანი სამუშაო გამოცდილება, მათ შორის უმეტესად გარემოსდაცვითი პოლიტიკის, გარემოსდაცვითი და აგრარული განათლების და საზოგადოების ცნობიერების ასამაღლები პროექტების მიმართულებით.

მდგრადი განვითარების მიზნები და გარემოს დაცვა

ლელა აქიაშვილი გაეროს განვითარების პროგრამაში (UNDP) ადამიანის უფლებების, გენდერული თანასწორობის და სოციალური ინკლუზიის მიმართულების ხელმძღვანელია. 2019 წლის ნოემბერიდან ლელა ადამიანის უფლებებისა და გენდერული თანასწორობის საკითხებში პრემიერ-მინისტრის მრჩევლის პოზიციას იკავებდა. მას აქვს ადამიანის უფლებების დაცვის სფეროში მუშაობის მრავალწლიანი საერთაშორისო გამოცდილება, მათ შორის: საერთაშორისო არასამთავრობო ორგანიზაციაში „გადავარჩინოთ ბავშვები“ (ვაშინგტონი, აშშ); ჯოან ბ. კროკის სახელობის სამართლისა და მშვიდობის ინსტიტუტში (სან-დიეგო, აშშ) და სხვა. ის სხვადასხვა დროს მუშაობდა გაეროს ბავშვთა ფონდის (UNICEF) საქართველოს ოფისში და საქართველოს პროკურატურაში. გარდა საერთაშორისო და საჯარო უწყებებისა, ლელა აქიაშვილს ასევე აქვს არასამთავრობო სექტორში მუშაობის 6 წლიანი გამოცდილება სამხრეთ კავკასიასა და აღმოსავლეთ ევროპის რეგიონში ადამიანის უფლებების, გენდერული თანასწორობის, კონფლიქტით დაზარალებულ მოსახლეობასთან მუშაობის და მშვიდობის მშენებლობის მიმართულებებით. ლელა აქიაშვილს საჯარო მმართველობის მაგისტრის ხარისხი 2018 წელს მიენიჭა Texas A&M უნივერსიტეტის მიერ, ხოლო 2012 წელს სამართლის ბაკალავრის ხარისხი ივ. ჯავახიშვილის სახელობის თბილისის სახელმწიფო უნივერსიტეტის მიერ. "

მდგრადი განვითარების მიზნები და გარემოს დაცვა

მაია ჩხობაძე, გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის ბიომრავალფეროვნების კონტროლის სამსახურის უფროსია. აქვს გარემოს დაცვის მიმართულებით საჯარო სექტორში მუშაობის 20 წლიანი გამოცდილება. 2017 წლიდან ჩართულია გარემოსდაცვითი მიმართულებით საგანმანათლებლო პროგრამების განხორციელების და სასწავლო რესურსების შემუშავებისა პროცესში. არის არაერთი პუპლიკაციის ავტორი. მიღებული აქვს მონაწილეობა 30-ზე მეტ ტრენინგში, როგორც ადგილობრივ ისე საერთაშორისო დონეზე.

მდგრადი განვითარების მიზნები და გარემოს დაცვა

ნათია იორდანიშვილი, პროფესიით მეტყევე, დღეისათვის სსიპ ეროვნული სატყეო სააგენტოს უფროსის მოადგილეა. საჯარო სექტორში მუშაობს 2004 წლიდან, თუმცა, აქვს არასამთავრობო სექტორში მუშაობის გამოცდილებაც. არის საქართველოს საზოგადოებრივ საქმეთა ინსტიტუტის (GIPA) სამაგისტრო პროგრამის - გარემოსდაცვითი პოლიტიკა და მართვა ლექტორი და ჩართულია გარემოსდაცვითი და სატყეო მიმართულებით საგანმანათლებლო პროგრამებისა და სასწავლო რესურსების შემუშავების პროცესში. მისი ძირითადი საქმიანობა საკმაოდ ფართო სპექტრს მოიცავს - სატყეო სექტორში სტრატეგიული და საკანონმდებლო დოკუმენტების შემუშავებისა და ტყის მართვის დაგეგმვის პროცესიდან, უშუალოდ, სატყეო ღონისძიებების აღსრულების ზედამხედველობამდე.

მდგრადი განვითარების მიზნები და გარემოს დაცვა

ნინო სულხანიშვილი არის გარემოსდაცვითი საკითხების ექსპერტი. მისი გამოცდილება მოიცავს გარემოსდაცვითი განათლებისა და ინფორმირების აქტივობებს. 6 წლის განმავლობაში იგი იყო ერთადერთი გარემოსდაცვითი საგანმანათლებლო სატელევიზიო გადაცემის „ეკოვიზიის” ავტორი და მენეჯერი, რომელიც გადიოდა მთავარ სატელევიზიო არხებზე. აღნიშნულ გადაცემას გაშუქებული აქვს 200-ზე მეტი თემატიკა გარემოს დაცვის და მდგრად განვითარების მიმართულებით. იგი არის 10-ზე მეტი სამეცნიერი სტატის და 20-მდე საგანმანათლებლო გამოცემის ავტორი. მას ასევე აქვს გარემოსდაცვითი მართვის სისტემების (ESMS) შემუშავების და დანერგვის და მდგრად ფინანსებზე წვდომის პროექტებზე მუშაობის დიდი გამოცდილება. იგი ასევე მუშაობს ეროვნულ ექსპერტად და გუნდის ლიდერად სხვადასხვა საერთაშორისო საკონსულტაციო კომპანიებში. მას ასევე გააჩნია პროექტის მართვის დიდი გამოცდილება.

მდგრადი განვითარების მიზნები და გარემოს დაცვა

კახა არცივაძე ბიოლოგი, გარემოს დამცველი, მეცნიერი და ლექტორია. თითქმის 30 წელია საქმიანობს გარემოს დაცვის სფეროში. ამჟამად არასამთავრობო ორგანიზაციის „სახეობათა კონსერვაციის სამეცნიერო კვლევითი ცენტრი - ნაკრესის პროგრამის კორდინატორია. საქმიანობს ისეთ სფეროში როგორიც არის ბიომრავალფეროვნების დაცვა, ბიოლოგიური რესურსების გამოყენების მდგრადი მართვა და კლიმატის ცვლილების საკითხებია. გარდა ამისა GIPA-ს უნივერსიტეტის პროფესორი და „გარემოსდაცვითი მენეჯმენტისა და პოლიტიკის“ სამაგისტრო პროგრამის ხელმძღვანელია.

მდგრადი განვითარების მიზნები და გარემოს დაცვა

ჩვენი სპიკერები

ჩემთან ცოდნა ტკბილია

ჩვენი სპიკერები

თამარ გზირიშვილი

ირაკლი მჟავანაძე

ქეთევან ჩაჩავა

ნინიკო ბოჯგუა

რომა გუჯაბიძე

თორნიკე ტურიაშვილი

მუსია ქებურია

ზურა ბალანჩივაძე

ლიკა ბიჩნიგაური

გიორგი კეკელიძე

ირაკლი ღვალაძე

ნიკო კვარაცხელია

ია ბერსენაძე

გია ნოდია

სამირა ბაირამოვა

ალექსანდრე ლორთქიფანიძე

თინათინ მესხი

თემურ ჯალიაშვილი

მარი ბენდელიანი

ნანა ბაგალიშვილი

უჩა ნანუაშვილი

გიორგი ფარეშიშვილი

არჩილ ფოლადაშვილი

ლაშა მარგიშვილი

თემურ სუყაშვილი

გიორგი კლდიაშვილი

ნატალია ინგოროყვა

ირმა პავლიაშვილი

დავით კიკვიძე

მარიამ მიროტაძე

ქრისტი კანდელაკი

ალექსანდრა კალატოზიშვილი

სალომე ჯაფიაშვილი

ბიძინა ლებანიძე

თამარ ავალიანი

ნინო ელბაქიძე

ელენე რუსეცკაია

ელზა ჯგერენაია

გიორგი შარაბიძე

ქეთევან კუკავა

ქეთევან ცანავა

ლაშა გოგიძე

ლაშა მელაძე

ნინო კერესელიძე

სალომე საღარაძე

შალვა ცხაკაია

თამარ ქალდანი

თამარ გზირიშვილი

მალხაზ მაცაბერიძე

დავით მაცაბერიძე

ქეთევან ჩაჩავა

ეკატერინე სხილაძე

შორენა წიქარიძე